Fálase

Varios xornais publican este domingo as últimas enquisas antes das eleccións catalás do vindeiro domingo. Todas coinciden en que CiU está lonxe de acadar a maioria absoluta. Artur Mas obteria entre 60 e 64 escanos, fronte aos 62 actuais, e confirma a tendencia descendente das últimas semanas. ERC capitaliza o debate soberanista e obteria entre 14 e 20 escanos (hoxe ten 10). O PSC afunde até os 15-19 (hoxe ten 28) e o PP móvese entre os 15 e os 20 (hoxe ten 28). Soben tamén ICV, que se move entre os 12 e os 16 (hoxe 10) e Ciutadans 5-8 (hoxe 3). Solidaritat e sobre todo as CUP tamén poderian entrar no Parlament.

O Lugo caeu na casa 1-2 ante o Girona. Iago Díaz (69') marcou para os locais e Acuña (8') e Luso (76') para os visitantes.

Anonymous publica os nomes e números de placa de 18 axentes dos Mossos d'Esquadra, supostamente antidisturbios. O colectivo asegura que foi quen de piratear o propio sistema informático do corpo, algo que nega a Generalitat.

A Coordinadora Nacional de ANOVA, que se reuniu este sábado, acordou denunciar a agresión que está a sufrir o pobo palestino. Asi mesmo denunciou as prospeccións e explotacións mineiras na procura de metais raros proxectadas na serra do Galiñeiro e outros puntos da xeografía galega.

Israel continúa cos seus ataques en Gaza. Os seus bombardeos matan oito palestinos máis.

Nas negociacións entre PP e PSOE o Goberno chegou a ofrecer esixirlles aos bancos 3.000 vivendas para aluguer social pero despois retirou a súa oferta, segundo publica ElDiario. Para Julio Rodríguez (negociador do PSOE) "as familias en risco de exclusión dentro de dous anos estarán peor que agora"

Nace en Lalin o Movemento dezao polo Ensino Público coa intención "de reflexionar sobre o momento que está a atravesar o ensino público na comarca". Busca "aglutinar todos os que teñan algo que ver co ensino (familias: pais/nais e alumnado, docentes e traballadores non docentes)".

O BNG celebrou reunión do seu Consello Nacional e Guillerme Vázquez realizou unha intervención aberta aos medios. O Bloque solidarizouse co pobo palestino e chamou a participar nas convocatorias do movemento feminista o 25-N. Ademais, culpa dos desafiuzamentos a PP e PSOE.

ANOVA reúne a súa coordinadora en Compostela. Debate a súa estratexia parlamentaria, a solidariedade con Palestina ou os actos do 25N

A metade dos galegos gaña menos de mil euros ou carece totalmente de ingresos. A taxa de precariedade en Galicia é do 47%, catro puntos por riba da media do Estado, e só por detrás de Extremadura, Andalucía e Murcia. O informe do Ministerio de Facenda salienta que cada vez de fai máis grande a diferenza entre clases sociais.