O Goberno adxudica o teléfono das maltratadas a unha empresa que despediu embarazadas. Qualytel Teleservices xestionará o 016 malia ser denunciada por despedir traballadoras en estado e persoas con discapacidade.
Fálase
O xuíz acumula probas do amaño sistemático de contratos en Santiago mentres o alcalde pide a Feijóo que faga unha excepción no código ético do PP e promete non destituír os concelleiros que sentarán no banco dos acusados.
O presidente de Navantia confirma que Fene non participará na construción do flotel neste ano e non aclara nada do anuncio de Montoro sobre o encargo dun buque militar.
Os emigrantes retornados convocan a súa primeira manifestación nacional para mañá mércores na Coruña. A Coordinadora que xunta todas as plataformas galegas de afectados polas multas de Facenda marchará desde a praza de Vigo ás 11 horas e entregará un documento coas súas reivindicacións e as sinaturas recollidas na delegación da Axencia Tributaria.
Beiras confirma a Lidia Senra como candidata de Anova ás eleccións europeas. A ex secretaria xeral do SLG ocuparía o quinto posto da lista conxunta coa esquerda federal, á espera de que a militancia ratifique a proposta.
O PP veta que unha comisión investigue a morte de 15 inmigrantes en Ceuta. Todos os grupos apoiaran a petición de PSOE e Izquierda Plural para debater no pleno.
Faltan catro días para que remate a campaña de crowdfunding iniciada pola Revista Oink! para asegurar a súa continuidade. Polo de agora a publicación acadou algo máis de 6.500 euros, dun total de 36.000 que sinalara como obxectivo.
O Consello de Redacción da Festa da Palabra Silenciada remitiulle unha carta á concelleira de Cultura do Concello de Vigo, Isaura Abelairas, á que acusan de ter mostrado "desprezo" cara a esta publicación, que celebra o seu 30 aniversario e presenta estes días o seu número 29. Afirman que "a decisión desa Concellaría de rebaixar o orzamento" da revista "implicaría un detrimento na calidade que consideramos inadmisible".
A Fundaçom Artábria acusa o Concello de Ferrol de ser o responsable do derrube dunha parte da casa natal de Carvalho Calero, en Ferrol Vello. A entidade considera que nos últimos anos houbo "boas palavras, promessas incumpridas e escassas concreçons, umha das quais supujo o gasto de 350 mil euros públicos para adquirir o prédio". Pero engade que "a falta de continuidade na iniciativa de recuperaçom desse pedaço do nosso património levou a que agora, quando havia mais 168 mil euros comprometidos para umha atuaçom inicial que nom chegava, o edifício tenha colapsado"
Putin ordena o repregamento das tropas que dende hai uns días estaban a realizar exercicios militares no oeste de Rusia. EE.UU. suspende os contactos militares e negociacións sobre o comercio con Rusia.