Fálase

CIG Autonómica vén de convocar aos empregados públicos a unha multitude de mobilizacións repartidas por toda Galicia. As concentracións amosarán o rexeitamento da central contra as medidas do sector público, a reforma laboral ou os recortes nos servizos básicos. Esta é a programación das protestas.

O Concello de Lugo deixará de ser a única cidade galega sen unha ordenanza de normalización lingüística. A normativa instaura oficialmente o galego como lingua oficial do Concello e de todos os servizos que presta. O goberno lugués, formado por PSdeG e BNG, agarda que o PP se sume á iniciativa.

O gasto militar do Estado segue a subir no medio dos recortes. Cóntao El País. 

O alcalde de Noia, Rafael García Guerrero (PSdeG) abandonou onte un acto da Consellería de Infraestruturas nese concello polas críticas de Agustín Hernández á xestión do bipartito

#onosoderbi Dúas peñas do Celta e do Dépor, formadas por galegos residentes en Madrid, optan pola irmandade para converter nunha festa o partido do 15 de abril. En Morriña Celeste.

El Confidencial Digital asegura que o Ministerio de Defensa vén de tombar a orde impulsada pola ex ministra Carme Chacón para vetar a mestura do Exército con actos relixiosos. Esta Semana Santa, os militares poderán participar en procesións e eventos semellantes "sen límites", explica. 

Un enxeñeiro holandés fai realidade o seu soño de voar 'como un paxaro'. En La Información. 

A Xunta celebra o Día Forestal Mundial plantando árbores na Cidade da Cultura

Hoxe celébrase o Día internacional pola eliminación da Discriminación Racial en recordo da Matanza de Sharpeville, perpetrada en 1960 pola policía sudafricana contra manifestantes que protestaban contra o Apartheid.

O ex presidente balear Jaume Matas non ingresará en prisión, a pesar de que onte foi condenado a seis anos. O fiscal non vai solicitar o seu ingreso na cadea