Preséntase en Compostela a Alianza Social Galega, que agrupa os tres principais sindicatos e a máis de 60 colectivos. Máis información, durante esta mañá en Praza.
Fálase
-
Persoeiros da cultura dan o seu apoio a Alternativa Galega de Esquerda. Rexina Vega, Alonso Montero, Xosé Lois Vilar e Álvarez Cáccamo amosan en Vigo a súa aposta pública pola coalición de cara ás eleccións do domingo. Imaxe de @rubenperezeu
Queremos Galego anima a converter en trending topic de Twitter este mediodía, entre as 12:00 e as 13:00, o hashtag #OHomeQueOrdenouAMaiorDestruciónDeLibrosEnGalegoDesde1936NonMereceSerReelixidoPresidenteDaXunta
Os traballadores de El País convocan folga os días 25, 26, 27, 28 e 31 de outubro e 2, 6, 7 e 8 de novembro. Ao tempo, o xornal comunícalles por email os despedimentos aos xornalistas afectados. O Comité de empresa difunde un gráfico cos beneficios do xornal nos últimos anos: 851 millóns en 12 anos.
Cinco despachos de abogados únense para demandar á banca polas preferentes. O obxectivo é promover accións individuais pola vía civil, xa que as reclamacións colectivas e penais non están prosperando.
Cultura contra a Mentira concentrouse onte pola tarde en Compostela contra os recortes en cultura realizados polo Partido Popular. Os manifestantes estaban convocados a marchar do Toural á Quintana atados e con bolsas de plástico na cabeza.
Novagalicia nega que vaia liquidar EVO Bank, pero si que o venderá. A entidade galega está disposta a vender unha rede de 120 oficinas e que conta con 640 traballadores.
A CEOE pide "sensatez" aos sindicatos para non convocar folga xeral. A patronal asegura que "non ten moito sentido" un paro "no momento máis inoportuno".
Os traballadores de El País protestan contra Cebrián a Moreno a través de mensaxes nos crucigramas publicados no xornal como "Los cuadros de izquierdas están en huelga", "Te tendrás que arreglar sin ellos" ou "Pegar puñetazo en la mesa"
Ao redor de 15 mil persoas manifestáronse en Ferrol polo futuro do sector naval. Na manifestación participaron os líderes da CIG, Suso Seixo; UGT, José Antonio Gómez, e CCOO, Xosé Manuel Sánchez Aguión.
