A fachada do Concello de Pontevedra vístese coas cores do arco da vella para marcar o inicio do Boavila Pride, as xornadas conmemorativas do orgullo LGTBI na cidade
![](https://praza.gal/media/cache/live_image/xornal/uploads/falase/foto/53a2942ee2837-53a28962eb-20140618-concello-de-pontevedra-bandera-multicolor-002.jpg)
A fachada do Concello de Pontevedra vístese coas cores do arco da vella para marcar o inicio do Boavila Pride, as xornadas conmemorativas do orgullo LGTBI na cidade
O crédito cae en máis de 3.100 millóns de euros durante o primeiro trimestre en Galicia, o triple que hai un ano. É o meirande recorte do financiamento a empresas e familias en toda España.
As tropas islamistas sunís de ISIS están a só 60 quilómetros de Bagdad. O ministro de Exteriores iraquí pídelle aos Estados Unidos que realice ataques aéreos para frear o seu avance.
A Deputación de Lugo anunciará esta mañá "novidades" a respecto do legado de Álvaro Gil, a colección artística que inclúe valiosas pezas como o torques de Burela e que a familia do doador retirou do Museo Provincial lucense o pasado outubro. Besteiro e o deputado de Cultura, Mario Outeiro, anunciaranas en rolda de prensa ás 11:45.
A Policía impídelle ao fotógrafo Pedro Armestre, último premio Rey de España de Xornalismo, cubrir a coroación de Felipe de Borbón. Alegan razóns de "seguridade". En El Diario.
A Xunta non celebrará hoxe a reunión semanal do Consello por atoparse o presidente na coroación de Felipe VI en Madrid.
Imputado o alcalde de Coristanco (PP) por presunta malversación, prevaricación e tráfico de influencias. A xuíza sospeita de irregularidades na contratación de obras e en compras do Concello. En Faro de Vigo
Felipe de Borbón é Xefe do Estado dende a pasada medianoite, coa publicación no BOE da lei que o converte en rei de España.
A asemblea de traballadores de Urbaser en Lugo aceptou recoller o lixo acumulado nos puntos que foron declarados de risco sanitario, 74 en toda a cidade. Con todo, a folga mantense. O Concello ameazou esta mañá con botar man da Unidade Militar de Emerxencia.
Os 18 debuxantes e colaboradores que abandonaron El Jueves pola censura á portada dedicada á Monarquía presentan nestes momentos Orgullo y Satisfacción, centrada no seu primeiro número na proclamación de Felipe VI. Nas súas primeiras horas vendeu máis de 15 mil exemplares. Pódese seguir a presentación en directo