Praza Pública únese á campaña Como cho digo, iniciativa promovida pola CTNL a prol da visibilización da lingua galega nos medios de comunicación.
Fálase
-
O naval volve mobilizarse en Ferrol. Antidisturbios reciben os manifestantes ante a sede de Facenda, pechada e onde piden compromisos ao ministro Montor. Imaxe de @raulsalgado.
Investigadores da USC crean películas fotovoltaicas máis baratas. O novo sistema desenvolvido polo CIQUS permite fabricar bicapas nanométricas de calidade de xeito máis sinxelo
Varias organizacións denuncian falta de transparencia sobre as negociacións do Tratado de Libre Comercio que a UE discutirá este mércores con Obama en Bruxelas. "O acordo estase negociando en segredo entre gobernos e multinacionais", denuncia o Observatorio Europeo das Corporacións
O Celta cae ante o Barcelona (3-0) logo dunha mala primeira parte e unha segunda na que tivo ocasións para marcar. O equipo vigués mantense a cinco puntos do descenso á espera dos resultados de hoxe.
Alemaña estuda expulsar os comunitarios que non atopen emprego en seis meses. A medida pretende deter a chegada de cidadáns romaneses e búlgaros.
A xuíza acusa outro concelleiro de Santiago de amañar contratos de obras. Atribúe a Luís Bello branqueo, fraude ou tráfico de información privilexiada, entre outros delitos. Ademais, De Lara investiga o pago de 18 viaxes do ex alcalde de Ourense.
O Goberno central volve nacionalizar as autoestradas en ruína 30 anos despois. En 1984 xa asumira as perdas de seis viais de peaxe en quebra e que tampouco tiñan tráfico.
Xa están en marcha as mobilizacións na defensa da sanidade pública nas principais localidades do país.
Ana Botella propón prohibir as manifestacións no centro de Madrid. A alcaldesa cifra en máis de 600.000 euros o custo dos danos provocados pola manifestación do 22M.