Fausta Cardoso Pereira, coa obra Dormir com Lisboa, gañadora do II Premio Antón Risco de Literatura Fantástica, convocado pola Fundación Vicente Risco, Urco Editora ou Auga Editora, entre outras entidades. As obras O neno que soñaba coa lúa e Penumbra foron declaradas finalistas e poderían tamén ser publicadas.
Rajoy afirma que a corrupción é a "parte mala da historia" do PP na súa intervención no congreso do partido. O pucheirazo no reconto dos votos sobre a acumulación de cargos de Cospedal provoca dúas dimisións no PP de Castela-A Mancha
Podemos abre Vistalegre 2 cun chamamento á unidade, moi aplaudido por todas as persoas asistentes.
San Sadurniño acolle este sábado a estrea das 21 pezas realizadas no Chanfaina Lab 2016-17. A proxección comezará ás 18.30 horas na Casa da Cultura da localidade
Fomento e estibadores rematan sen acordo a súa primeira xuntanza. Os traballadores opóñense á reforma proposta polo Goberno, que precarizaría os seus empregos e manteñen a convocatoria de folga para finais de mes. O proceso de liberalización do sector imposto pola UE está provocando conflitos en toda Europa.
O sábado pola mañá ábrese a Asemblea de Vistalegre (ver programa) na que Podemos redefine o seu proxecto. As persoas inscritas na formación teñen ata as 20 horas de hoxe para participar nas votacións. Os resultados coñeceranse o domingo ás 14 horas.
O PP celebra esta fin de semana o seu Congreso, que se abriu cunha emenda que cargaba contra a acumulación de cargos de María Dolores de Cospedal e que estivo a piques de saír adiante
Ferida grave unha muller en Salceda nun novo posible caso de violencia machista. Tería sido atacada polo seu marido, que acabou suicidándose.
Navantia entrega a Pemex o flotel construído en Ferrol. A empresa mexicana cancelou hai tan só uns meses o segundo flotel prometido en Vigo.
O Parlamento de Galicia concede a súa medalla á Comisión dos 16 que elaborou o anteproxecto do vixente Estatuto de Autonomía. A entrega da distinción terá lugar o vindeiro 6 de abril, coincidindo co 36º aniversario da promulgación do Estatuto.