Fálase

Beiras acusa a Feijóo de tratar a oposición "como os nazis aos xudeus". Nunha entrevista en laSexta, o voceiro da AGE considerou "indigno" o papel de Feijóo no episodio das fotos co narco Marcial Dorado e explica que o increpou no seu escano despois de que o presidente "atacase" os demais grupos.

TVE censura a Ada Colau, segundo ela mesma denunciou no Parlamento Europeo.

Economistas Frente a la Crisis escriben sobre "o escándalo dos erros económicos sen rectificación" ao fío das equivocacións de Reinhart e Rogoff sobre o peso da débeda pública nas perspectivas de crecemento económico.

Unha homenaxe destaca a figura do padre Feijoo no Dia do Científico Galego. A data foi escollida por ser o dia no que o BOE publicou a constitución oficial da Real Academia Galega de Ciencias hai 36 anos.

Un estudo asegura que o de xornalista é o peor traballo do mundo entre un total de 200 profesións analizadas. Baixos salarios, horarios extensos, baixa demanda e elevada incerteza están entre as causas.

#Feijoo convértese en trending topic estatal despois da discusión xerada no Parlamento na sesión de control na que o presidente da Xunta debia explicar as súas fotos co narco Marcial Dorado

O presidente do Supremo coida que os escraches son "un exemplo da liberdade de manifestación". Gonzalo Moliner salienta que estas protestas non son "violentas". Recólleo Público.es

O PP carga contra Beiras en Twitter. Tras o acontecido na sesión de control achácalle "violencia e agresividade". A súa vicevoceira, Marta Rodríguez, vén de pedirlle a "dimisión", en declaracións á prensa nos corredores do Parlamento.

Baltar presenta recurso contra o seu auto de imputación. Considera os contratos "unha irregularidade" e non un delito.

Unha delegación da Asociación Ponte…nas ondas! participa en Reykjavík os días 24, 25 e 26 de abril no Congreso Internacional “Minorías Culturais na Literatura infantil e Cultura oral”