20 mortos no Cairo en enfrontamentos durante una protesta antimilitar preto do Ministerio de Defensa. O Exército despregou tropas e vehículos. En resposta, a cúpula militar vén de manifestar a súa disposición a deixar o poder antes do previsto se o 24 de maio sae elixido un presidente na primeira rolda das eleccións, o que non parece probable.
Fálase
O Ibex esborrállase e volve ao seu nivel máis baixo desde hai nove anos. Cede máis dun 3% lastrado pola banca.
O diario Las Provincias asegura que Galicia, Valencia e Castilla-La Mancha presionan o Ministerio de Sanidade para instaurar o copagamento na comida dos hospitais.
PSdeG e BNG únense por primeira vez na lexislatura para reclamar que Feijóo explica no Parlamento como lle afectan a Galicia os recortes do Goberno central. O PP rexeitouno. Toda a información, hoxe en Praza.
A CEOE di que haberá seis millóns de parados a final de ano "con ou sen reforma laboral". "Iso xa se esperaba", asegura o vicepresidente da patronal e presidente dos empresarios madrileños, Arturo Fernández.
A taxa de desemprego en España é máis de 13 puntos superior á media da Eurozona. Segundo os últimos datos de Eurostat, o Estado ten as peores cifras de todo o continente ao situarse o paro nunha porcentaxe do 24,1%, fronte ao 10,9% da zona euro e o 10,2% da Unión Europea.
Inditex reparte hoxe 561 millóns de euros entre os seus accionistas como dividendo a conta. O seu fundador, Amancio Ortega, ingresará máis de 330 millóns ao posuír máis do 59,2% dos títulos.
Red Eléctrica asegura que a nacionalización de TDE por parte do Goberno de Bolivia non terá un efecto relevante nos seus resultados.
O Ecofin intentará aprobar outro reforzo do capital dos bancos para evitar a crise. Os ministros de Economía dos 27 celebran unha xuntanza extraordinaria na que tratarán de aprobar unha nova norma para reforzar o capital dos bancos e aumentar a súa resistencia.
O presidente do Parlamento Europeo di que "unha lingua tan importante como o catalán" ten que se "poder falar na Cámara". En Ara.
