Owen Jones participará o vindeiro luns na Coruña nun encontro organizado por EnMarea (Paraninfo da Universidade, 19.30). O autor británico converteuse nos últimos anos, con obras como Chavs ou The Establishment e os seus artigos en The Guardian nunha das voces máis influíntes da esquerda en Europa. Podes ler aquí a entrevista que lle fixo El Diario e ver o programa de Salvados no que participou.
Antonio Manuel Fraga Allegue é o gañador do primeiro Premio Antón Risco de Literatura Fantástica, fallado onte en Ourense, coa obra Querido H.P.L.. O xurado nomeou finalista a Peixe Babel, de Carlos Quiroga.
O PP perdería 4 ou 5 escanos en Galicia, segundo a enquisa de NC Report que hoxe publica La Razón. Os populares obterían entre 10 e 11 escanos, por 6 do PSOE, 4-5 de EnMarea e 2 de Ciudadanos.
#20D Ciudadanos fica só na súa aposta por eliminar a cuestión de xénero da lei contra a violencia de xénero. Albert Rivera teima en referirse a "violencia doméstica".
#20D As rebaixas fiscais prometidas por Rajoy non figuran no programa do PP nin teñen memoria económica, se ben beneficiarían prioritariamente as rendas máis altas.
Pedro Sánchez ve en Besteiro un "proxecto ganador" para o PSdeG nunha entrevista con La Voz na que advirte de que "non votar ao PSOE" o 20-D significa "votar a Rajoy" e compromete reformular o reparto do sector do cerco.
Persoal de enfermaría e inspección farmacéutica denuncia falta de medios no Sergas. Recólleo Faro de Vigo
Atopan insectos nos alimentos dun comedor escolar de Ribeira xestionado pola empresa Serunión. Cóntao La Voz
#20D En Marea tería entre 2 e 3 escanos e NÓS, entre 0 e 1, segundo unha enquisa de eldiario.es que mantén o PP como primeira forza nas xerais con 5 puntos sobre o PSOE, segunda forza cinco puntos por riba de Ciudadanos.
#20D O PP perdería entre 4 e 5 escanos por Galicia, o PSdeG mantería os seus 6, En Marea lograría 4 ou 5, Ciudadanos, 2 e NÓS non tería representación. É o prognóstico dunha enquisa de La Razón, segundo a cal os populares caerían 17 puntos, os socialistas perderían uns 6 e En Marea roldaría os 18
