Fálase

Os empresarios que inxectaron fondos en Novagalicia Banco tentan recuperar os seus cartos na Xustiza. O avogado da entidade responsabiliza do acontecido a José María Castellano. Está a contalo Faro de Vigo

A Presidencia federal de Izquierda Unida pide a dimisión de Miguel Renenes (secretario de Organización), Ángel Pérez (portavoz municipal en Madrid) e Gregorio Gordo (portavoz rexional) pola súa responsabilidade nos escándalos de Caja Madrid e Bankia.

O alcalde de Ferrol, José Manuel Rey, deixa de estar imputado no caso Pokémon. Segundo adianta La Voz, a proba de voz confirma que o rexedor ferrolán non era quen interviña nas conversas que facían sospeitar a De Lara de supostos subornos.

O PP será "acusado" na trama Gürtel. A Sala do Penal da Audiencia Nacional cre que o partido foi partícipe da rede corrupta "a título lucrativo". Cóntao a Cadena SER

O xornalista Fran P. Lorenzo gaña o premio Blanco Amor de novela coa súa obra 'Cabalos e Lobos'.

Guadi Galego lanza o videoclip de Matriarcas, adianto do seu segundo disco como solista (Lúas de outubro e agosto), que sairá á venda o 25 de novembro

Dez grupos de investigación das universidades galegas crean a Rede Galega para o Tratamento de Augas, que busca aproveitar as sinerxías na investigación sobre o tratamento de augas, mellorando a recuperación de residuais, reducindo a emisión de gases contaminantes ou creando sistemas máis eficientes de consumo e produción de enerxía.

La Voz de Galicia entrevista Sergio Quintairos, presidente do Instituto Superior de Formación Sanitaria de Galicia, responsable da instalación en Sada dunha escola de enfermaría e fisioterapia da Universidade Fernando Pessoa de Porto.

Santiago Cortegoso (premio Álvaro Cunqueiro para textos teatrais), Antón Cortizas (premio Manuel María de literatura dramática infantil), Andrea Bayer (premio Barriga Verde de textos para monicreques para nenos e nenas) e Xavier Lama (na modalidade de adultos), recoñecidos na edición 2014 dos galardóns de literatura dramática convocados por Agadic

O PP comeza o pleno do Parlamento negándose a que Feijóo compareza sobre a trama Zeta. O presidente da Xunta asegurou estar disposto a comparecer "todas as veces que se queira", pero os conservadores acumulan xa máis de 40 vetos.