Dez grupos de investigación das universidades galegas crean a Rede Galega para o Tratamento de Augas, que busca aproveitar as sinerxías na investigación sobre o tratamento de augas, mellorando a recuperación de residuais, reducindo a emisión de gases contaminantes ou creando sistemas máis eficientes de consumo e produción de enerxía.
Fálase
La Voz de Galicia entrevista Sergio Quintairos, presidente do Instituto Superior de Formación Sanitaria de Galicia, responsable da instalación en Sada dunha escola de enfermaría e fisioterapia da Universidade Fernando Pessoa de Porto.
Santiago Cortegoso (premio Álvaro Cunqueiro para textos teatrais), Antón Cortizas (premio Manuel María de literatura dramática infantil), Andrea Bayer (premio Barriga Verde de textos para monicreques para nenos e nenas) e Xavier Lama (na modalidade de adultos), recoñecidos na edición 2014 dos galardóns de literatura dramática convocados por Agadic
O PP comeza o pleno do Parlamento negándose a que Feijóo compareza sobre a trama Zeta. O presidente da Xunta asegurou estar disposto a comparecer "todas as veces que se queira", pero os conservadores acumulan xa máis de 40 vetos.
Varios detidos nunha nova operación contra a corrupción en Andalucia. A Garda Civil rexistra a Deputación de Sevilla pero o dispositivo espállase a outras provincias andaluzas e de España.
A moratoria do Goberno contra os desafiuzamentos case non tivo efecto ningún. Permitiu atrasar 10.000 despexos, pero desde xaneiro de 2013 contabilizáronse máis de 100.000 desaloxos.
Anova reivindica a unión con Podemos e IU como única opción para vencer a Feijóo. "A resposta será conxunta ou non poderá ser", di Martiño Noriega, que chama tamén o BNG a unha unión da "esquerda rupturista".
Bruxelas cre agora "ineficaz e inxusto" o recorte salarial en España. A Comisión Europea critica sobre todo a baixada de soldos nos empregados con contrato temporal, que caeron un 20% desde 2008.
Dorribo entra na cadea logo de cinco meses sen presentarse ante a Xustiza. Existe risco de fuga do líder da trama Campeón, segundo aclara o TSXG.
Un modelo numérico elaborado polo experto en oceanografía Pablo Otero limita a 24 horas a marxe para evitar unha catástrofe en Cíes por unha vertedura no mar