Ana Pontón chama a votar "con ilusión, con convicción e con esperanza no futuro, para que o resultado sexa positivo para os retos que como sociedade temos por diante". A portavoz nacional do BNG votou en Santiago acompañada polo cabeza de lista pola Coruña, Carlos Callón.
Rajoy vota e anuncia que España "será o que os españois queiran que sexa". Berros enfrontados de "presidente" e "sí se puede" no momento da votación do presidente do Goberno en funcións.
Atacada a sede do Partido Comunista en Madrid con pedradas e pintadas fascistas. "Rojos al paredón, asesinos", podía lerse nalgunha das mensaxes escritas.
Pedro Sánchez anima a votar para que o goberno teña "a máxima lexitimidade posible". O líder do PSOE vén de exercero seu dereito ao voto en Madrid.
Leiceaga anima os cidadáns a "votar de forma masiva". Ángela Rodríguez, candidata de En Marea, di que hoxe "váiselle gañar á tristeza". Gómez Reino pide votar "con esperanza".
Albert Rivera chama a votar "especialmente á xente moderada". "É importante ir votar, xa vimos o que vén de pasar no Reino Unido", di o líder de Ciudadanos.
O presidente da Deputación de Ourense, Manuel Baltar, votou xa neste 26-X. O número un de Ciudadanos pola Coruña anima a votar "con cabeza" e espera non ter que volver "axiña" ás urnas.
Case a metade dos médicos galegos estarán xubilados dentro de dez anos. Catro de cada dez teñen xa máis de 55 anos.
Máis gravacións de Fernández Díaz confirman que buscou utilizar o poder xudicial para afundir rivais políticos. Novas revelacións saen hoxe publicadas no diario Público.
Normalidade na apertura dos colexios electorais en Galicia. Constituídas as 3.981 mesas habilitadas en 2.470 locais de todo o país, segundo vén de destacar o delegado do Goberno, Santiago Villanuea.