Venezuela celebra hoxe eleccións presidenciais, que se prevén máis axustadas ca nunca, entre Hugo Chávez e o opositor Henrique Capriles. As urnas pecharán ás once e media da noite, hora española.
Fálase
O PSdeG denuncia a manipulación informativa de TVG en campaña electoral. Pablo García, coordinador de campaña electoral dos socialistas, denuncia que "é inadmisible que un medio público de comunicación, que pagamos todos os galegos, entrase en campaña descaradamente a favor do PP".
O clásico desta tarde entre Barcelona e Real Madrid quentouse onte en twitter cun hashtag que chegou a ser trending topic: #SiEspañaNoEsVuestroPaís NoJuguéisLaLigaESPAÑOLA. No partido de hoxe agárdase con expectación ao minuto 17 e 14 segundos cando os afeccionados do Barça están convocados a cantar Els Segadors e a realizar cánticos independentistas.
ABC e La Voz publican esta mañá dúas entrevistas con Alberto Núñez Feijoo acompañadas de dúas sondaxes que lle garanten a maioría absoluta. Feijoo busca trasladar a mensaxe de que os comicios se xogan en clave galega e tenta afastar o lastre da xestión de Mariano Rajoy: "Los gallegos van a votar a Vázquez o a mí, no a Rubalcaba o Rajoy"
En Fútbol Sala vitoria do Santiago Futsal ante o Caja Segovia 2-4. E derrotas do Azkar Lugo ante o Barcelona 1-7 e do Burela ante o Zaragoza por 3-5
En balonmán o Cangas e o Octavio caeron ante os dominadores da competición: Barcelona e Atlético de Madrid. Barcelona 40- Cangas 25 e Atlético de Madrid 28 - Octavio 25. Na división de prata o Teucro perdeu ante o Barcelona B por 28 a 30.
Na Liga Adecco Ouro de baloncesto o Breogán derrotou o Barcelona B 79-73 e o Ourense caeu na casa ante o Palencia 68-93. Na ACB o Obradoiro xoga este domingo pola mañá ante o Fuenlabrada.
Na Liga Adecco Ouro de baloncesto o Breogán derrotou o Barcelona B 79-73 e o Ourense caeu na casa ante o Palencia 68-93
Pachi Vázquez compromete o dique flotante para Ferrol "para darlle emprego a este pais". Vázquez ironizou dicindo “Ferrol, que mellor sitio para recordarlle a Feijoo o que din os mandamentos: non mentirás”
Durante o partido que o enfrontou ao Deportivo esta tarde, os afeccionados do Rayo amosaron faixas pedindo a dimisión da delegada do Goberno, Cristina Cifuentes