Unha escavadora botou abaixo esta mañá as últimas vivendas do poboado de Penamoa, na Coruña, despois de case trinta anos de asentamento.
Fálase
-
O vicesecretario xeral de Organización do PP, Carlos Floriano, xustifica os recortes porque "non estamos no borde do precipicio, estamos no precipicio agarrados nunha cornixa"
Rajoy, dende Colombia sobre o incremento das taxas universitarias: "Trátase dun pequeno esforzo, de poucos euros ao mes". En Ara.
Os diarios impresos de hoxe levan, na súa practica totalidade, os novos recortes de Rajoy ás portadas. El Periódico de Catalunya resume todos os recortes no concepto de "dieta Rajoy", mentres que diarios conservadores como La Razón fala de que "se impón o esforzo".
O ex xerente do PP de Ourense admite que o partido encargou o seu congreso de 2002 a unha das empresas da trama Gürtel. Admitiuno no xuízo contra o xornalista e o medio que o revelaron, aos que demandou. En Faro de Vigo.
Un manifesto asinado por 500 personalidades de todo o Estado pídelle a Rajoy que asuma a folla de ruta da Conferencia Internacional de Paz de Donostia, aprobada o pasado ano. Entre os asinantes están Adolfo Pérez Esquivel, José Manuel Naredo, José Luis Sampedro, Santiago Alba Rico, Carlos Taibo, Isaac Rosa ou Pilar Bardem
Esta fin de semana celébrase o polémico Gran Premio de Fórmula 1 de Bahrain. Reporteiros sen Fronteiras leva a cabo unha campaña en contra, en protesta pola represión do réxime que goberna o país e que fará uso da carreira para dar unha imaxe de normalidade no exterior.
O desaloxo do proxecto Es.Col.A, polo cal un colectivo ocupaba a antiga escola da Fontinha, no Porto, remata en protestas diante do Concello, onde unha persoa cubriuse de gasolina e a policía evitou que se plantara lume
"Me comprometo a luchar con todas mis fuerzas por subvertir el sistema...". A fórmula escollida por Sánchez Gordillo para tomar posesión como deputado en Andalucía (e as risas dos deputados do PP) dán a volta polas redes sociais.
Unha enquisa de Ipsos para Le Monde sitúa a Hollande claramente en cabeza na primeira volta das presidenciais francesas, cun 29% de intención de voto, por 25,5% de Sarkozy, 16% de Le Pen e 14% de Melenchon. Na segunda volta o socialista imporíase por 56% a 44%.
