Pontevedra arría a bandeira da UE en protesta polo acordo co Turquía polos refuxiados co apoio de BNG e Marea. Cangas xa a colocara a media hasta para amosar o seu rexeitamento ás políticas comunitarias coas persoas que buscan asilo.
![](https://praza.gal/media/cache/live_image/xornal/uploads/falase/foto/56e80336995e0-gonzalo_garcia.jpg)
Pontevedra arría a bandeira da UE en protesta polo acordo co Turquía polos refuxiados co apoio de BNG e Marea. Cangas xa a colocara a media hasta para amosar o seu rexeitamento ás políticas comunitarias coas persoas que buscan asilo.
O Parlamento aproba outra vez pedir a transferencia da AP-9 á Xunta. Esta reclamación, que recibiu luz verde por unanimidade a instancias do BNG, vén sendo recorrente na última década sen que, polo momento, houbese avances ao respecto. Veñen de ser designados para defender a proposta ante o Congreso os deputados Jesús Goldar (PP), Raúl Fernández (PSdeG) e Ana Pontón (BNG). Repasa as diversas solicitudes nesta cronoloxía.
José Manuel Baltar declara este martes ante a xuíza que o investiga por presuntos delitos de suborno e tráfico de influencias no caso do suposto ofrecemento de emprego a cambio de sexo. Baltar foi reelixido presidente do PP de Ourense hai dúas semanas.
A Conferencia Episcopal destina a 13 TV os mesmos fondos do IRPF que a Cáritas. El País publica as contas que a Igrexa española remitiu a Facenda
Morren tres persoas refuxiadas tentando atravesar a fronteira entre Grecia e Macedonia. Varios xornalistas foron arrestados mentres informaban do que sucedía na zona.
Senllas iniciativas sobre a "unidad de España", de PP e Ciudadanos, abren este martes as sesións ordinarias da nova lexislatura no Congreso. Segundo o CIS, a cuestión territorial é unha preocupación para pouco máis do 1% da poboación do Estado.
DOCUMENTO Este é o informe do Ministerio do Interior que acusa de financiamento ilegal a Podemos. Entre os documentos aludidos no informe, sen sinatura, están recortes de prensa e fontes sen identificar. Publícao eldiario.es
Medio Rural estuda privatizar parte dos traballos de limpeza dos montes para previr incendios. Cóntao Faro de Vigo
Un ferido no accidente ciclista da Guarda non puido ser trasladado directamente ao novo hospital de Vigo porque o seu heliporto aínda non funciona. O helicóptero tivo que aterrar no aeroporto de Peinador.
Viaxes da Deputación de Lugo a Eurodisney, Arxentina ou a India que investiga De Lara corresponden á etapa de Cacharro, segundo as facturas incluídas no sumario que publica La Voz de Galicia. Estes pagamentos corresponden ao convenio colectivo da época na institución, sinala o actual goberno, que agrega ademais que esas viaxes non continuaron tras a chegada de Besteiro.