Os traballadores do Diario de Ferrol concentraranse este xoves ás 10.30 horas en protesta polo que consideran "un progresivo desmantelamento do xornal", visible por exemplo na non renovación da súa edición dixital. No último ano o xornal prescindiu de catro xornalistas e pretende trasaladar outros tres.
Fálase
O bosón de Higgs, descubrimento científico do ano, segundo a revista Science. Entre os outros feitos destacados aparecen a secuenciación xenómica dos denisováns, unha especie humana atopada en Siberia, o proxecto Encode ou a aterraxe do Curiosity en Marte.
A Xunta publica un catálogo con suxestións para facer agasallos en galego durante estas festas. Pódese descargar aquí
A raíña Elisabeth II ofreceu por primeira vez a súa mensaxe de Nadal aos británicos en 3D. A Casa Real británica permitiu captar imaxes da monarca coas lentes de tres dimensións, algo ante o que diversos políticos galegos teñen amosado receos.
A Xunta inclúe no seu vídeo de felicitación de Nadal unha apelación a "non gastar máis do que se ten". O vídeo está tamén incluído na portada da web do Goberno galego.
Continúa a folga de fame dos membros da plataforma de afectados polas preferentes e subordinadas de Ferrolterra. Hoxe ás dez da mañá producirase o relevo e o segundo integrante da plataforma tomará o relevo de Manuel Zebral, que iniciou a folga o dia 24.
O ex conselleiro de Cultura Roberto Varela afirma nunha entrevista dende Montevideo que "as circunstancias non son as apropiadas para continuar co proxecto da Cidade da Cultura"
Facenda devolveralles aos funcionarios a longo do primeiro trimestre de 2013 as cotizacións descontadas da extra de decembro
A Comisión Electoral exipcia vén de confirmar o triunfo do si no referendo para a aprobación da nova Constitución. O 64% da poboación votou a favor
O Goberno español critica o documental The Great Spanish Crash emitido pola BBC. Relata a evolución da economía española dende os eufóricos anos do boom até a crise actual e céntrao na Comunidade Valenciana.