Público entrevista a Julio Anguita, que afirma que "Constitución en man, as políticas de Rajoy estarían fóra da lei". Aposta tamén por saír do euro e por "gobernar contra o poder. Contra Emilio Botín, contra Endesa, contra Gas Natural, contra eses".
![](https://praza.gal/media/cache/live_image/xornal/uploads/falase/foto/52a195ec4ec18-1386288487590anguita-2.jpg)
Público entrevista a Julio Anguita, que afirma que "Constitución en man, as políticas de Rajoy estarían fóra da lei". Aposta tamén por saír do euro e por "gobernar contra o poder. Contra Emilio Botín, contra Endesa, contra Gas Natural, contra eses".
A prensa de todo o planeta dedica hoxe especiais a Nelson Mandela, finado onte á noite. Por exemplo, o de The Guardian, o de The New York Times ou o de El País.
O goberno rexeita catro de cada dez solicitudes da axuda de 400 euros. O número de beneficiarios desta axuda para parados que esgoten as súas prestacións foise reducindo: dos 78 mil de comezos de ano até os 57 mil de outubro
A exhibición de símbolos franquistas queda sen castigo na Lei de Seguridade. Os ultras só serán sancionados se un policía estima que a súa parafernalia incita ao odio ou á violencia
O IGVS rexeita a solicitude urxente de vivenda de Elisabeth Sanlés "porque sen discutir a precariedade da súa situación, non é quen de acadar unha singularidade tal que permita diferenciala da que están a padecer a meirande parte dos outros cinco mil demandantes de vivenda de promoción pública da provincia". Stop Desafiuzamentos lembra que en Galicia hai 300.000 vivendas baleiras.
A Policía Nacional sanciona a vítimas do franquismo que protestaban nas inmediacións da Audiencia Nacional durante a declaración de dous presuntos torturadores. Activistas a prol da memoria histórica denuncian intimidacións dos axentes durante a protesta. Recólleo Público.es
O goberno local de Fene (PP) coloca un retrato do rei no medio dunha instalación de homenaxe ás corporacións municipais republicanas. Advertiuno o voceiro municipal do PSdeG, Iván Puentes.
A Mesa pedirá ao Valedor amparo ante as "discriminacións ao galego" do Goberno español e levará o caso ao Consello de Europa tras o rexeitamento dunha bolsa de estudo por presentar o certificado de estudos na lingua propia.
Luis Rubido podería ser o novo alcalde de Cedeira, substituíndo o seu irmán Leopoldo, que esta mañá formalizou a súa renuncia. Leopoldo Rubido gobernou o concello 32 dos últimos 40 anos, dende 1973.
A Eurocámara votará as recomendacións sobre a contaminación nas rías galegas o vindeiro 16 de decembro. Ao borrador final do texto presentáronse 84 emendas. Máis información, hoxe en Praza.