Esta tarde preséntase en Barcelona, no marco do In Edit Fast Forward, Screenly, unha plataforma de proxección baixo demanda de filmes en salas, poñendo en contacto público e películas. Créase un evento até chegar a un número mínimo de espectadores, que participan na súa promoción e que poden enriquecelo con actividades paralelas.
Mulleres de Ve-la Luz en folga de fame encadéanse ante o TSXG. Máis información, esta tarde en Praza.
#consellodaxunta Feijóo confirma que as persoas menores de 12 anos non poderán entrar nas touradas. Cúmprese así un acordo parlamentario do ano 2011.
#consellodaxunta A Xunta "avalía" o anteproxecto da Lei de Espectáculos Públicos
Miguelanxo Prado, premio Nacional de Cómic polo seu álbum Ardalén. O galardón do Ministerio de Cultura está dotado con 20.000 euros.
Edgewater ameaza con levar a Xunta aos tribunais se non se lle autoriza a mina en Corcoesto. A empresa advirte de que continuará adiante co proxecto.
A xuíza arquiva o borrado dos ordenadores de Bárcenas sen realizar ningunha dilixencia. Cóntao Infolibre
Crean unha petición en Change.org "polo peche de Change.org", para que "deixen de lucrarse coas túas esperanzas". Leva xa máis de 1.000 sinaturas.
As mulleres de Ve-la Luz en folga de fame reúnense esta mañá con representantes da Xunta. Unha chamada do Goberno galego convocounas para este xoves na sede da Administración autonómica na Coruña.
Suso de Toro e Joan Tardà debaten sobre o proceso soberanista catalán en Barcelona. O escritor galego e o deputado de ERC reflexionan sobre os riscos e as vantaxes da independencia.