España é o terceiro país con máis pobreza infantil entre os 41 estados máis desenvolvidos, alerta UNICEF, só por detrás de Grecia e Romanía. A taxa de pobreza infantil sitúase no 40%, nove puntos máis que en 2008
Fálase
O Celta recibe ás 21.05 o Genk no partido de ida dos cuartos de final da Europa League
Importantes atascos na AP9 ao seu paso por Vilaboa, en dirección Vigo, por mor do incremento dos desprazamentos e do peche dun dos carrís por obras.
Madrid revisará no seu rueiro os topónimos galegos castelanizados, como "La Coruña", "Sangenjo" ou "Ginzo". A decisión parte da queixa dun galego residinte na cidade
O CSO A Insumisa convoca este venres ás 20 horas na Coruña a procesión da Santa Cona, en reivindicación "da nosa sexualidade e os nosos corpos como mulleres libres" e para "sacar a Igrexa dos nosos úteros e das nosas vidas"
O Universitario de Ferrol chega ás semifinais da Liga Feminina de Baloncesto tras derrotar o IDK Gipuzkoa (59-56). Enfrontarase ao Perfumerías Avenida.
Defensa manda izar a bandeira a media asta en todos os cuarteis pola morte de Cristo. Un decreto, aprobado por Chacón, contempla que só se faga pola morte de militares en acto de servizo, o rei, o seu herdeiro, consorte ou os días de loito nacional. O Ministerio di que así "respecta o exercicio da liberdade relixiosa"
O Foro Galego de Inmigración fai un chamamento á solidariedade coa familia do rapaz afogado en Riazor o pasado luns. Vén de abrir unha conta a nome de seu pai para sufragar os gastos de repatriación do cadáver do rapaz de 17 anos e para o que se precisan uns 6.000 euros. O número é ES51 2030 3105 9630 4003 4248.
O prazo de inscrición das oposicións de educación da Xunta abrirá o vindeiro 18 de abril. A convocatoria, segundo informa a Consellería, será publicada no DOG "nos vindeiros días". Consulta aquí os detalles das 1.043 prazas, 912 serán de novo ingreso.
Aterra de emerxencia en Santiago un voo de American Airlines por presenza de fume na cabina do avión, que fai a ruta entre París e Miami. Está a contalo a web Aeronoticiario SCQ
