O PP de Valencia 'coloca' o líder das súas Novas Xeracións nun cargo público cun salario de 45.000 euros anuais, segundo conta Público.
![](https://praza.gal/media/cache/live_image/xornal/uploads/falase/foto/5191f17e5d2b1-1368469511690caballero-detalledn.jpg)
O PP de Valencia 'coloca' o líder das súas Novas Xeracións nun cargo público cun salario de 45.000 euros anuais, segundo conta Público.
O Goberno inventou a suposta carta de Bruxelas que cuestionaba o decreto andaluz antidesafiuzamentos. O portavoz de Asuntos Económicos e Monetarios da Comisión Europea, Simon O´Connor, negou a existencia desa misiva que o Executivo de Rajoy empregou como argumento.
La Voz destaca que "España non ten sitio para o mellor físico novo de Europa". Diego Martínez Santos (Foz, 1983) vén de ser premiado pola Sociedade Europea de Física (EPS) polos seus traballos no experimento LHCb. Porén, a súa solicitude para volver a España ao abeiro do programa Ramón y Cajal foi rexeitada.
Associated Press acusa os Estados Unidos de espiar os seus xornalistas. O Goberno tivo acceso ao historial de chamadas de 20 liñas telefónicas
Follies, de Mario Gas, gañadora dos Premios Max con seis galardóns. O último cowboy de Eduardo Alonso levou o premio ao mellor autor en galego.
Extremadura tenta crear unha fronte contra o reparto del déficit do Goberno. Monago cualifica o reparto que propón Rajoy de "inxusto e arbitrario" e denuncia que beneficia excesivamente feudos tradicionais do PP como Madrid, Valencia e Baleares.
O PP enterra a promesa de publicar as declaracións de renda dos seus dirixentes. Pasaron xa tres meses e os conservadores seguen escudándose en que non chegaron a un acordo cos socialistas sobre o formato para non publicar estes datos.
Os grupos municipais de Ourense exclúen as comidas privadas e o alcol dos gastos a sufragar con cargo ao Concello. O grupo Democracia Ourensana ve "ridículo" implantar unha "lei seca" e coida que a cidadanía xa xulga estes gastos "nas eleccións". Cóntao La Región.
Pescanova logra 55 millóns de liquidez para evitar o seu colapso, segundo adianta Faro de Vigo. Bankia, Sabadell, Banco Popular, NCG, CaixaBank e Deutsche Bank préstanse a colaborar.
O deputado do PP e ex alcalde de Lugo Joaquín García Díez di que as persoas afectadas polas preferentes están "manipuladas" nas súas protestas contra a formación conservadora. Cóntao Galiciaé