O Bloque concorrerá ás municipais coa denominación BNG-Asembleas Abertas. Así o aprobou o Consello Nacional da formación, que decidiu ademais elaborar o programa municipal "a partir das propostas das 154 asembleas abertas celebradas por todo o país" ás que, sinalan, acudiron case 6.000 persoas "das que case o 60% non eran militantes nacionalistas". As persoas que encabecen as candidaturas das cidades "estarán definidas en novembro".
Cerna, corrente interna de Anova, celebrará entre os días 23 e 26 un "referendo telemático" entre a súa militancia para decidir se "abandona Anova" e "dá os pasos para constituírse en partido político".
O PPdeG encoméndalle a coordinación redacción do programa para as municipais a Pedro Puy, como xa fixera en anteriores comicios. Segundo Alfonso Rueda "o PP aplica os seus programas" e "por tanto, teñen que ser realistas, serios e rigorosos".
Pilar Dopazo será a candidata de Compromiso por Galicia á alcaldía de Pontevedra tras ser elixida nas primarias abertas que o partido está a celebrar en diferentes localidades do país. Cóntao Pontevedra Viva
O alcalde da Coruña eloxia un centro segregacionista do Opus -cofinanciado pola Xunta- como o "lugar no que se forman os líderes da nosa futura sociedade". O BNG local lamenta o aval de Negreira ao ensino "reaccionario, ultracatólico e elitista".
Podemos celebra dende esta mañá a súa asemblea en Madrid, na que defininirá a súa organización e propostas programáticas. Os debates pódense seguir ao vivo a través do streaming da formación e en El Diario (foto: @juanlusanchez)
O Goberno de España tenta contrarrestar os vídeos de Gardas Civís agredindo persoas no valado de Melilla con novos vídeos, neste caso de migrantes cuspíndolles aos axentes. Recólleo El Diario
Os xulgados galegos reciben, de media, un caso de corrupción cada dous días, segundo datos da Fiscalía Superior de Galicia que recolle Faro de Vigo
Gerardo Crespo quedaba coa maior parte dos cursos de formación da Operación Zeta, cuxo sumario destaca o "peso específico no PP" do empresario coruñés, segundo recolle La Voz
Marea Atlántica celebra un acto público na Coruña ante máis de 350 persoas. Nel informará sobre a evolución do proceso e celebrará o seu "achegamento ao obxectivo final". Pódese seguir en directo aquí.
