Castellano e González-Bueno piden "perdón" polas preferentes, os investimentos "pouco prudentes" e as indemnizacións das antigas caixas nunha rolda de prensa en Compostela. Castellano di estar a prol da comisión de investigación sobre as caixas no Parlamento galego e "confía" na devolución dos cartos ás persoas estafadas coas preferentes. Asegura que a idea de que boa parte delas non tiñan información abonda está "callando" nas autoridades. Máis información, nuns minutos en Praza
Fálase
O xornal The Guardian inclúe este xoves un duro editorial contra os recortes do Goberno de Mariano Rajoy, a quen lle reprochan as súas "contradicións". Advirten ademais que non poderá apelar "indefinidamente" á "herdanza" de Zapatero.
"Enfrontamento sobre fondo de austeridade", titula o francés Le Figaro para narrar a xornada de anuncio dos recortes do Goberno de España
O ministerio de Fomento convoca para mañá unha visita a Vigo da ministra, Ana Pastor, para inaugurar a ampliación da súa terminal
Faro de Vigo salienta que CiU pide liquidar Bankia e vender CataluñaCaixa e Novagalicia Banco
El País publica unha sondaxe flash sobre os recortes anunciados onte por Rajoy. Un 62% dos cidadáns rexeita as medidas, mentres que o 21% as aproba. O máis criticado é a suba do IVE (83%), a redución da prestación por desemprego (80%) e o recorte aos funcionarios (77%). Porén, os cidadáns apoian a redución do número de concelleiros (90%), a limitación das achegas a partidos e sindicatos (80%) e a redución de moscosos para os traballadores públicos (57%)
Novagalicia Banco crea unha páxina na que José María Castellano e César González-Bueno din "Antes de nada, perdón", e piden desculpas polas preferentes, os investimentos "pouco prudentes" e as indemnizacións millonarias. Afirman que "estas prácticas producíronse antes da nosa chegada a Novagalicia Banco pero é a nosa obriga facernos cargo". Porén, non anuncian medidas.
As redes sociais comentan esta mañá a diferenza de ton das portadas de La Razón e ABC ante os recortes decididos por Zapatero e por Rajoy. Así, La Razón en maio de 2010 titulaba "Zapatero impone el mayor recorte social de la historia" e hoxe "Sacrificio. Frente a irresponsabilidad sindical". E ABC hai dous anos dicía "Zapatero ejecuta un dramático recorte social" e hoxe "Ajuste 'imprescindible' de Rajoy para una situación 'extrema'".
En Madrid neste momento hai cargas policiais nas rúas do centro (Tirso, Preciados, Sol), contedores ardendo e unha forte presenza policial nos accesos ao barrio de Lavapiés. Na Porta do Sol concéntrase un cento de persoas rodeadas pola policía (imaxe via @fotograccion)
Na Coruña concentráronse ao redor de 300 persoas, en dúas convocatorias (unha en solidariedade cos mineiros e outra en protesta polos recortes) que acabaron sendo unha soa