Gonzalo Hermo gaña o Nacional de poesía moza con 'Celebración'
Fálase
-
A FP de Tauromaquia que prepara o Ministerio de Educación inclúe unha materia sobre matar con "eficacia e pureza". El Mundo adianta os contidos do controvertido plan.
O Goberno pídelle á Comisión Europea que autorice coches diesel un 43% máis contaminantes dos límites fixados por Europa. Argumenta que as marxes máis estritas poden prexudicar á economía española.
15 días despois da entrada en vigor do acordo do sector leiteiro, o litro de leite subiu ao redor de cinco céntimos no supermercado, pero os produtores só reciben un céntimo máis, destaca La Voz de Galicia.
O centroesquerda gaña as eleccións en Canadá, tras unha década de dominio conservador. Justin Trudeau (Partido Liberal) será primeiro ministro
Exculpan a Dilma Rousseff e a Lula da Silva polo caso Petrobras. A comisión parlamentaria de investigación afirma que non hai "ningunha proba" contra eles e manifesta que a petroleira foi "vítima dun cártel" formado por construtoras "coa complicidade dalgúns malos funcionarios".
JxSí e CUP dan por feito que non haberá pacto antes das eleccións xerais, destaca El Periódico. CDC non ve tempo abondo para pechar a investidura do novo goberno catalán antes das primeiras votacións, a comezos de novembro. ERC propón a Forcadell para presidir o Parlament
O líder dos socialistas de Portugal rexeita o pacto coa dereita e advirte a Passos de que procurará un goberno alternativo. Cóntao Público
Dimite o responsable de Urxencias do novo Hospital de Vigo. A renuncia foi comunicada o pasado venres, segundo adianta Vigoé
O Consello da Xunta aproba este mediodía o proxecto de Orzamentos Xerais para 2016. A información, hoxe en Praza.