Jordi Pujol admite que a súa familia mantiña contas en paraísos fiscais desde hai máis de trinta anos. O ex presidente da Generalitat comprométese a comparecer ante instancias xudiciais se fose necesario.
Fálase
César Luena será o próximo secretario de Organización do PSOE. O líder dos socialistas rioxanos convértese no número dous de Pedro Sánchez.
Remata sen acordo unha nova negociación entre Urbaser e os traballadores. A empresa di estar "decepcionada" e "desconcertada".
Anova celebra xa o seu acto polo Día da Patria en Compostela na praza 8 de marzo que finalizará no parque de Belvís.
A manifestación de Nós-UP percorre tamén as rúas de Compostela. Imaxe de: @nosgaliza.
Xavier Vence chama a "sumar forzas" para "un gran proxecto" nacionalista de esquerdas pouco antes da saída da manifestación do BNG na Alameda. O voceiro nacional aposta por que todos estean "unidos" arredor das "reivindicacións de país e nación" de Galicia.
Compromiso por Galicia celebra xa tamén os seus actos polo Día Nacional de Galicia cunha ofrenda floral no Panteón de Galegos Ilustres.
Arranca a manifestación do Bloque polo Día da Patria en Compostela. Berros de "Galiza ceive, poder popular" e "Palestina vencerá" nun ambiente festivo con gaitas e batucada.
O rei Felipe VI reivindica unha España "unida e diversa" na ofrenda ao Apóstolo que realiza esta mañá en Compostela e na que lembrou as vítimas da traxedia de Angrois.
O Deportivo celebra o Día de Galicia estreando a súa camiseta coa bandeira do país nun amigable en Colombia. O equipo coruñés caeu 3-1 ante o Deportivo Cali.