Novas concentracións de funcionarios en Madrid. O tráfico está cortado en Cibeles por mor das protestas. Imaxe de @XMAres
![](https://praza.gal/media/cache/live_image/xornal/uploads/falase/foto/50092ae34ca5c-aypwknmciaelffx.jpg)
Novas concentracións de funcionarios en Madrid. O tráfico está cortado en Cibeles por mor das protestas. Imaxe de @XMAres
Os recortes non aplacan os mercados, a prima de risco abre a xornada superando os 580 puntos
Esta mañá a Xunta celebra un Consello extraordinario para aprobar a aplicación dos recortes ao persoal público na Administración autonómica. Non está previsto que o presidente ofreza a habitual comparecencia ante a prensa tras a reunión do Goberno.
En Alemaña un dos seus principais diarios, o Frankffurter Allgemeine, abre a súa portada coa aprobación no Parlamento dese país do rescate aos bancos españois
A nivel de Estado só ABC e La Razón obvian ou critican con dureza a participación nas protestas contra os recortes, acusando á "esquerda" de "axitar as rúas" e censurando ademais a participación nas marchas de persoas do mundo do cinema ou da política
A práctica totalidade dos diarios impresos, tanto en Galicia como no resto do Estado, abren este venres as súas edicións con referencias e fotografías das manifestacións do pasado serán contra os recortes.
Novagalicia anuncia unha solución "inmediata" para as preferentes. Así o comunicou o seu presidente, Castellano, logo dunha reunión co presidente da Xunta, Núñez Feijóo. Bruxelas e o Banco de España autorízanlle a recorrer á arbitraxe.
A representación galega no Consello de Estudantes Universitarios do Estado, formada pola Liga Estudantil Galega, Comités e IESGA, planta ao ministro de Educación, José Ignacio Wert, en protesta polos "brutais recortes".
Comezan no Estado as manifestacións contra os recortes do Goberno. As rúas de Bilbao xa están ateigadas de xente. Imaxe de @joseanprado
O Boletín Oficial do Estado publica hoxe dúas páxinas con correccións de erros no decreto de recortes, que hoxe mesmo foi aprobado no Congreso. Entre os cambios introducidos, destaca que a tesoirada ás baixas por enfermidade do persoal público pasa de temporal a permanente.