Bárcenas entrégalle ao xuíz novos documentos para tentar implicar a De Cospedal no suposto financiamento ilegal do PP. Cóntao El País.
Fálase
A oposición no Concello de Lugo (PP e BNG) tomba as ordenanzas fiscais do Goberno municipal, rexido polo PSdeG en minoría. En El Progreso
Uns 8.000 alumnos e alumnas quedan este curso sen comedor escolar de balde, segundo calcula La Voz cos datos ofrecidos onte no Parlamento polo conselleiro de Educación.
El Mundo inicia este luns a súa aposta polo cobro por ler a súa edición dixital, que polo de agora non será imitada por El País ou o grupo Vocento. Poderanse ler un máximo de 25 contidos mensuais da web sen ter que pagar. O obxectivo é chegar aos 100 mil subscritores nos vindeiros meses, que gozarán de novos contidos e de apostas innovadoras polos elementos multimedia.
A CIG convoca manifestacións en todas as comarcas o vindeiro 14 de novembro contra a reforma das pensións, que "pretende alimentar o negocio da banca e as aseguradoras", na súa opinión.
A empresa Supermercados El Árbol pagaralle os domingos e festivos traballados ao seu persoal en vales de compra e non en cartos. Cóntao El Diario
O presidente da patronal galega pide unha reforma laboral máis flexible. Fernández Alvariño reclama endurecer aínda máis a norma.
Un sumidoiro ao pé da depuradora de Bens, na Coruña, estivo vertendo directamente ao mar durante horas este domingo. Non é a primeira vez que se producen vertidos nesta zona e as consecuentes denuncias. Para evitalas, en 2009 construiuse unha canalización que leva as augas fecais a varios centos de metros da costa.
A Audiencia levanta as imputacións de cinco cargos de Adif polo accidente de Angrois. Deixa sen efecto as imputacións de cinco responsables de seguridade.
Hervé Falciani lanza unha rede de denuncia cidadá contra a corrupción, apadriñada polo Partido X. O operativo será internacional e a organización pide a colaboración de informáticos para crear un sistema que lles garanta privacidade e seguridade aos denunciantes