Desaparece do blog da xornalista de ABC Paloma Cervilla o texto no que defendía o recorte nas bolsas universitarias porque, segundo lle "comentou unha amiga", estas axudas eran empregadas por estudantes para financiaren operacións de aumento de peito. El Diario recolle o texto íntegro, agora borrado.
O conselleiro de Economía defende nun foro empresarial que a "marca Galicia" coopere coa "marca España".
CiU e o PNV súmanse ao pacto PP-PSOE sobre a posición do Goberno central ante o vindeiro Consello Europeo. En El Diario
IU abandona a reunión da FEMP polo bloqueo dos representantes do PP á proposta de convocar unha asamblea extraordinaria que trate a reforma da Administración Local
O PP vota en contra da abolición dos touradas en Galicia e rexeita a iniciativa do BNG, que pretendía eliminar a excepción que na lei exclúe as corridas da protección dos animais. Bloque, AGE e PSdeG votaron a favor. Máis información, nuns minutos en Praza.
Wert asegura que reconsiderará a nota do 6,5 para optar ás bolsas universitarias. Porén, destaca que volver ao 5,5 actual non é "compatible" co modelo de bolsas que se quere lograr.
A Xunta prohibe as queimas controladas ata o 30 de setembro, mesmo as xa autorizadas, para evitar o risco de incendios forestais.
Un deputado do PP na Deputación de Lugo, Fernando Pensado, sentenza que "todos os do BNG deberían ser veganos porque alimentarse de carne e defender a erradicación das corridas de touros é unha incongruencia".
O voceiro de infraestruturas do PP, Alejandro Gómez, asegura que o bipartito de PSdeG e BNG "impuxo a ditadura" na política de infraestruturas. A voceira do BNG, Ana Pontón, censura o seu "protofascismo". Gómez engade que "non atopará ningunha foto dun dirixente do PP subido a un iate dun gran construtor".
Vén de realizarse na Delegación do Goberno da Coruña a entrega conxunta de alegacións ás propostas de sanción contra oito das persoas que participaron na mobilización que impediu o desafiuzamento de Aurelia Rey.
