O portavoz do Goberno catalán descarta unha convocatoria de eleccións para evitar a intervención da autonomía. Pedro Sánchez afirma que a aplicación do artigo 155 depende "da decisión última de Puigdemont”. O líder do PSOE defende que “non houbo na historia política de Cataluña un autogoberno tan intenso como o que recoñece a Constitución" e sinala que "todos os países europeos teñen o seu propio 155".
Fálase
En Londres unha concentración ante a embaixada española protestou contra os incendios forestais en Galicia ao berro de "Lumes Nunca Máis". Foto: @pcidalonso
Está a piques de comezar a manifestación contra a Lei de Depredación e os lumes forestais
Os incendios forestais custan entre 360 e 488 millóns de euros ao ano en Galicia, entre o que se gasta na loita contra incendios, o valor das rendas perdidas e o dos servizos ambientais que ofrece o bosque e que deixa de achegar. É un cálculo realizado polas profesoras María L. Loureiro e Melina Barrio en 2009 e difundido por WWF
O Festival Galicreques, organizado pola Asociación Barriga Verde, despídese este domingo con cinco funcións en distintos espazos de Compostela
A Marcha Stop Velutina, convocada pola Asociación Galega de Apicultura (AGA), pasou xa por Xixón e Torrelavega e chega este domingo a Euskadi. Reclaman a "urxente" posta en marcha dun plan de choque en todas as zonas afectadas, que debe centrarse a curto prazo na loita preventiva, coa colocación de trampas, e a longo prazo en métodos de loita biolóxicos que no danen o medio ambiente.
Importantes alcaldes e alcaldesas do PSC, entre eles os de Terrasa, Santa Coloma e Granollers, pídenlle a Iceta que non apoie a aplicación do 155. A rexedora de Santa Coloma, Núria Parlon, dimitiu do seu cargo na Executiva do PSOE
Puigdemont convocará o Parlament para "actuar en consecuencia" trala aplicación do 155 e denuncia o "portazo" de Rajoy ás súas peticións de diálogo. O presidente da Generalitat non citou na súa intervención unha posible declaración de independencia. Dúas horas antes a presidenta do Parlament, Carme Forcadell, fora máis dura, denunciando un "golpe de estado" e sinalando que a institución resistirase a acatar a intervención.
O comité de empresa de TV3 e Catalunya Ràdio rexeita a intervención dos medios de comunicación públicos cataláns por parte do Goberno central, nunhas críticas ás que se une o Colexio de Xornalistas de Cataluña e tamén o director de informativos de Catalunya Radio
Unha masiva manifestación protesta en Barcelona contra os encarceramentos de Jordi Cuixart e Jordi Sánchez e a intervención da autonomía catalá por parte do Goberno central