A Universidade de Vigo abrirá unha consulta pública para poñer nomes de mulleres destacadas aos seus tres edificios administrativos de entre un listado de seis posibles. Para Xerencia-Servizos Centrais propóñense a María Wonenburger e Exeria, para a Reitoría a Sofía Casanova e Ernestina Otero, e para o Anexo á Xerencia a Filomena Dato e Ángela Ruíz Robles.
O alcalde de Vilanova de Arousa, o popular Gonzalo Durán, chama á presidenta da Deputación de Pontevedra, Carmela Silva, “chacha para todo” do “ancián Abel Caballero”. O rexedor critica así que a Deputación rexeitase o proxecto municipal dunha piscina. Cóntao Canal Rías Baixas. O PSOE provincial pide a súa dimisión.
Hai 111 anos, o 6 de outubro de 1907, en Betanzos, Manuel Lugrís Freire empregaba por primeira vez o galego nun acto politico. Na imaxe, xunto á bandeira e Castelao nunha homenaxe a este en 1932.
Oito membros do Parlamento Europeo, entre eles a galega Ana Miranda (BNG), piden unha entrevista ao papa Francisco para pedirlle que impida o traslado dos restos de Franco á catedral da Almudena, situada no centro de Madrid, ao carón do Palacio Real desa cidade.
O Goberno central liquida o imposto ao sol, amplía o bono social e suspende impostos para tentar abaratar a luz un 4%. Tamén prohibe o 'porta a porta' para a captación de clientes que pasen da tarifa regulada ao mercado libre, máis caro. En Galicia o gasto dos fogares no recibo da luz disparouse un 60% na última década.
A Policía invitou a Billy el Niño a celebrar o patrón do corpo nunha comisaría, segundo revela eldiario.es. O seu é un máis dos moitos casos de acusados de torturas durante o franquismo que permanecen impunes ante a xustiza española. Horas despois de transcender a noticia, Interior abriu un expediente disciplinario ao comisario que o convidou.
Medio Rural revela un incendio en Nogueira de Ramuín que atinxe a unhas 75 hectáreas e outro en Muíños de 8 hectáreas que afecta ao parque natural do Xurés. Nos últimos días producíronse outros incendios divulgados por bombeiros e axentes forestais, pero dos que a Xunta non informou en aplicación das habituais restricións informativas ao respecto. Na imaxe, o incendio de Muíños (Brif Laza)
Persoal da CRTVG comeza as protestas do vixésimo venres negro. "Dezanove venres reclamando que se cumpra a lei. Escoitarán por fin no vixésimo?", pregúntanse dende Defende a Galega.
A alianza de ultradereita que impulsa o estadounidense Steve Bannon en Europa apunta a Pablo Casado: "Non están lonxe das nosas reivindicacións". Unha información de Andrés Gil para eldiario.es
Tomiño e Vila Nova de Cerveira constitúen oficialmente a nova eurocidade Tomiño-Cerveira. O acto celebrouse na Ponte Internacional da Amizade, sobre o Miño, e culmina "moitos anos de irmandamento" entre ambos municipios.
