Tras o inicio da súa andaina dixital, Sermos Galiza sae este vernes por primeira vez aos quioscos. O semanario distribúese cada venres.
![](https://praza.gal/media/cache/live_image/xornal/uploads/falase/foto/4fd1a9f460ed5-2012060800381649227.jpg)
Tras o inicio da súa andaina dixital, Sermos Galiza sae este vernes por primeira vez aos quioscos. O semanario distribúese cada venres.
As necesidades de saneamento de Novagalicia Banco e Catalunya Caixa ocupan este venres boa parte das principais novas dos diarios impresos. NCC Banco precisa 3.400 millóns adicionais do Estado.
O voceiro económico da Comisión Europea, Amadeu Altafaj, di en TV3 que o rescate da banca española se producirá "en semanas". En Ara.
Caixanova colocoulles participacións preferentes a persoas analfabetas. Cóntao El País.
O Parlament de Catalunya investigará as entidades financeiras catalás. Constituirase unha comisión de investigación apoiada por ICV-EUiA, Solidaritat, Ciutadans e Esquerra Republicana, á que se podería sumar o PSC. En Ara.
O locutor Luís Rial cargou contra parte do plantel da CRTVG no seu programa da Radio Galega da pasada madrugada. Rial cualifica de "mediocres" a algúns dos seus compañeiros e considera que os medios públicos "se poden privatizar". En El País.
Fitch rebaixa en tres chazos a cualificación de España e calcula en 60.000 millóns o custo da reestruturación bancaria.
O Goberno nomea a Luis María Linde novo gobernador do Banco de España en substitución de Miguel Ángel Fernández Ordóñez.
O FMI calcula que a banca española precisa capital por 40.000 millóns de euros. O Goberno non decidirá ata que o informe sexa oficial.
Bruxelas ve "disparatadas" as cifras sobre as necesidades da banca española, como as dadas polo eurodeputado do PP López-Istúriz, que calcula que as entidades estatais precisarían entre 80.000 e 100.000 millóns.