O PP aproba esta mañá en solitario no Congreso a introdución da cadea perpetua no Código Penal. Está a contalo El País
![](https://praza.gal/media/cache/live_image/xornal/uploads/falase/foto/54bf8b5425edc-1421831301_710500_1421839636_noticia_normal.jpg)
O PP aproba esta mañá en solitario no Congreso a introdución da cadea perpetua no Código Penal. Está a contalo El País
Luís García Soto, profesor da USC, gaña o premio Ramón Piñeiro de ensaio co estudo Barthes filósofo
O Goberno francés paraliza a construción do macroencoro de Sivens, preto de Toulouse, un proxecto contra o que numerosas entidades levan anos mobilizándose. Nunha destas protestas, o pasado mes de outubro, faleceu un manifestante de 21 anos
#UPRONU O Estado xustifica a súa actuación en Ceuta e Melilla polos "constantes, violentos e masivos" intentos de entrada de inmigrantes en territorio español. O representante do Goberno enfróntase ao segundo exame sobre a situación dos dereitos humanos en España.
A LFP denuncia o Deportivo da Coruña e o CD Lugo por "cánticos que incitan a violencia, o racismo, a xenofobia e a intolerancia" nos partidos da pasada fin de semana en Riazor e no Ángel Carro. Entre os cánticos denunciados figuran, segundo a Liga "Tu vigués puto portugués", na Coruña, e "manos arriba, esto es un atraco" ou "payaso", entre outros, en Lugo.
#UPRONU A Mesa disponse xa a participar na ONU na presentación do relatorio da Rede Europea pola Igualdade Lingüística, que aborda a precaria situación do galego. A sesión pódese seguir ao vivo nesta ligazón (imaxe: @francescfelipe)
O PP ingresou nas súas contas 1,4 millóns de euros en metálico entre 2003 e 2007, segundo documentación do caso Gürtel á que tivo acceso Eldiario.es
As aldeas baleiras de Galicia xa superan as 1.600, a metade de todo o Estado. Cóntao Faro de Vigo
O Centro Tecnolóxico Alimentario de Lugo adxudícalle a súa asesoría ao bufete do que é socio o presidente de Sogama, Luis Lamas, quen ademais é tesoureiro desta entidade. Recólleo La Voz
A Audiencia anula as escoitas ordenadas polo xuíz Taín na casa do presunto ladrón do Códice Calixtino, que na primeira xornada do xuízo mudou o seu relato e nega o roubo. Cóntao El País