A presidenta do Consello Consultivo cre que sería "tremendamente triste" que "unha nacionalidade histórica" como Galicia perdese este organismo. Teresa Conde-Pumpido advertiuno na presentación dos orzamentos da institución e cando o seu mandato está a piques de rematar.
O Ateneo de Santiago e o Consorcio presentan unha completa web que recrea a muralla de Compostela. A aplicación achega planos e información sobre a historia da muralla: a súa orixe, significado, características, usos e a súa evolución ao longo dos séculos.
DOG e BOE publican o anuncio do trámite de inconstitucionalidade presentando polo goberno do Estado contra o art. 28.3 da Lei de Estradas. O contido do artigo é, segundo AGE, "unha ocorrencia xuridicamente disparatada que só tiña como obxectivo o de reducir os custos de expropiación do solo urbanizado a pagar pola da Administración, pagando o solo como rural, sen incluír o seu valor urbanístico"
Wert rectifica e anuncia que todos os alumnos Erasmus terán este ano a axuda prevista. Só unhas horas antes, Wert pedíralles, nunha entrevista na Cope, un "esforzo maior aos estudantes con máis recursos".
Xa é público o programa de Cineuropa 2013. En Praza poderedes seguir o máis destacado da vixésimo sétima edición do festival cinematográfico de Compostela, que se estende dende o 7 ata o 29 de novembro.
El Diario recolle a chegada a Madrid da montaxe Eurozone, de Chévere.
Neonazis irrompen violentamente na Universidade Complutense e identifícanse como membros de Amencer Dourado. Racharon carteis e enfrontáronse a varios estudantes.
A Mesa acusa a Negreira de prevaricación e advirte de que o demandará se non retira a polémica campaña Wapa Coruña, na que o Concello utiliza "o topónimo ilegal La Coruña"
A Audiencia da Coruña suspende todas as imputacións de cargos do Adif polo accidente de Angrois. Cóntao Europa Press na súa web
As persoas desempregadas non pagarán o bus urbano en Ourense. Será tras a aprobación no pleno municipal dunha proposta formulada o pasado xaneiro polo BNG. Cóntao La Región