Manuel M. Barreiro escribe en El País que "a desinformación será o recurso estrela" do PP nas eleccións pois "un cidadán ben informado é o inimigo máis temible dun goberno fracasado"
Fálase
Turgalicia promociona como casa de turismo rural o pazo no que vive Mario Conde. Revélao Faro de Vigo na súa edición de Ourense.
Os clientes particulares de Novagalicia retiran 3.500 millóns logo do escándalo das preferentes. O malestar provocou esta fuxida de clientes nos primeiros seis meses do ano, segundo conta El Confidencial.
A esta hora comeza a xuntanza entre a directora xeral de Comercio, Nava Castro, e representantes de persoas afectadas polas preferentes das antigas caixas. A convocatoría é só para a prensa gráfica e, posteriormente, a alto cargo da Xunta atenderá en solitario á prensa.
Boa parte da prensa catalá centra hoxe a súa atención nos movementos internos do PSC. Os socialistas de Catalunya atópanse ante dúas disxuntivas: a participación ou non na manifestación independentista da Diada e a celebración ou non de primarias abertas. En Ara.
O paro subiu en agosto en máis de 38.000 persoas en España, chegando a 4.625.634 persoas rexistradas, ao tempo que descende o número de afiliados á seguridade social. En Galicia, en cambio, o desemprego descendeu en 2.931 persoas.
Esquerda Unida e Equo mantiveron unha xuntanza este luns para analizar a posibilidade de conformar unha fronte ampla de esquerdas con outras forzas. Equo-Galicia celebrará este martes unha asemblea extraordinaria para aprobar de que forma se presenta ás eleccións do 21-O.
Núñez Feijoo e Pachi Vázquez acordan celebrar un debate electoral, despois de que Alfonso Rueda respondese favorablemente á oferta de "debate sen condicións" do PSdeG-PSOE. O PP apostara hai uns días por debater por separado con Vázquez e Jorquera. Máis información nuns minutos en Praza.
Hai 43 anos dous ordenadores intercambiaron datos por primeira vez na historia. Foi en 1969 na Universidade de California.
El Periódico afirma na súa portada que O PSC move peza e explica que o secretario do partido, Pere Navarro, apartou a Nadal e Iceta da dirección parlamentaria e deulle liberdade aos militantes socialistas para acudir á maniifestación independentista do 11 de setembro.