Preocupación en Zarzuela polos escasos avances na recuperación da saúde do Rei, tras as imaxes vistas durante a apertura do ano xudicial.
Fálase
O custe do despido cae un 13% pola reforma laboral, publica El Diario.
Dilma Rousseff cancela a súa viaxe oficial a Washington polo caso Snowden
Os xornalistas de TVE denuncian manipulación na cobertura do caso Bárcenas na televisión pública. Esixen a dimisión do director de Contidos dos Servizos Informativos, José Gilgado, por engadir datos que se demostraron falsos
Mariló Montero cualifica o Toro de la Vega de "festa marabillosa". Xustifica a súa emisión na televisión pública afirmando que se trata dunha "tradición ancestral que se celebra dende hai milleiros de anos"
Expulsan da tribuna do Congreso o deputado de ERC Alfred Bosch, que falou en inglés para amosar o rexeitamento ao decreto lingüístico de Balears, contra o que o profesorado das illas está en folga indefinida.
Sete feridos no Toro de la Vega, un deles grave. Ao finalizar o linchamento do touro, un cento de cabalistas con lanzas achegouse a un grupo de manifestantes, increpándoos e lanzándolles pedras. A páxina web de turismo de Tordesillas foi hackeada durante horas e nela só se podía ver unha mensaxe contra este espectáculo de tortura animal.
O Tribunal Constitucional rexeita por nove votos contra dous recusar o seu presidente por militar no PP.
Un estudo da Universidade de Vigo, dirixido polo profesor Alberto Pena, salienta o potencial da publicidade en galego e denuncia as negativas consecuencias derivadas da rebaixa do uso do idioma por parte da Xunta. O estudo destaca a Adegas Martín Códax, Pescanova ou R, como exemplos dun cambio en positivo.
A autoestrada Madrid-Guadalajara, en concurso con 400 millóns de débeda. O concurso únese ao doutras vías de peaxe (R3, Madrid Ocaña ou Madrid-Toledo, entre outras), que suman quebras multimillonarias.