O blog Muera la inteligencia entrevista o científico galego Xurxo Mariño, que continúa dando unha volta ao mundo. Mariño afirma que “discutir con persoas relixiosas é moito máis doado que lidiar con posmodernistas”
Fálase
Un maquinista reclamou máis seguridade en Angrois 19 meses antes do sinistro. O xefe de condutores de Ourense remitiulle a un superior un informe de anomalías na liña no que pedía instalar sinais de limitación a 80 por hora, no que consideraba unha "transición de risco". ADIF sempre insistiu en que non houbera queixas ou advertencias sobre a seguridade na nova liña.
Feijóo alerta en Vilalba contra ''os que inventan unha España distinta á que une''. Ademais, reivindicou o legado de Manuel Fraga, do que dixo que é "un exemplo moi valioso para entender Galicia dentro da realidad plural de España".
Pemex prevé construír en Barreras doce barcos para a renovación da súa frota menor
El Periódico entrevista Àngel Ros, alcalde de Lleida que vén de dimitir como deputado do PSC. Afirma que "este país necesita un partido como o PSC, coun catalanismo adaptado aos novos tempos. E iso significa incorporar o dereito a decidir".
Os clientes do Santander poden sacar de balde o seu investimento ao pasar o 50% da súa xestora a paraísos fiscais, na illas Caimán e Bermudas
Augas de Galicia é a segunda entidade de xestión da auga con menor transparencia do Estado, segundo un estudo de Transparencia Internacional.
Pemex anuncia unha operación para comezar a "transferencia tecnolóxica" dende Barreras ao sector naval mexicano
CIG, CCOO, SAE, CESM e OMEGA denuncian en rolda de prensa "o endurecemento das politicas privatizadoras do PP" en materia sanitaria, a pesar do éxito da folga convocada no Sergas o mes pasado. Critican a "ausencia de diálogo" por parte da Xunta e anuncian novas mobilizacións.
A Xunta publica un anuncio da Consellería de "Trabajo y Bienestar" no Diario Oficial da UE no que se refire ao complexo administrativo do Goberno galego como San Cayetano