#eleccións21O O Goberno central destina 3,6 millóns de euros do seu fondo de continxencia a sufragar parte dos gastos das eleccións galegas. Decidiuno hoxe o Consello de Ministros.
Fálase
A Oficina de Dereitos Sociais de Coia lanza a campaña Quen nos dera ser automóbiles. Denuncian que fronte aos recorte no gasto social a Xunta gastará 11 millóns para patrocinar dous furgóns de Citroën ou que a industria da automoción "rabuña" 75 millóns do goberno central para axudas directas á compra de automóbiles no marco do plan PIVE.
O Consello de Ministros aproba a cadea perpetua revisable, que fora presentada hai unhas semanas por Alberto Ruiz Gallardón. Non realiza cambios de base no dereito de manifestación pero introduce unha penas dun ano de prisión para aquelas persoas que convoquen por Internet un acto de protesta que remate con violencia.
Alternativa Galega de Esquerda celebrará este venres na Coruña un acto no que participarán José Cordón (Front de Gauche), Stavros Karagkounis (Syriza) e Willy Meyer (IU), ademais de Xosé Manuel Beiras e Yolanda Diaz. Será as 12 no Palacio da Ópera.
Arrancan as manifestacións estudantís en Galicia. Centos de persoas ateigan xa a praza do Toural en Santiago con motivo do Día Internacional da Loita Estudantil. Imaxe de @cdenebola.
#consellodaxunta O Goberno galego inclúe na súa xuntanza semanal un informe sobre o programa de endebedamento. Feijóo inicia a comparecencia insistindo en que Galicia é "a comunidade máis solvente", como xa insistiu nos debates electorais.
Axentes de Aduanas entran no Concello da Coruña para recoller os contratos de Vendex. Solicitan a entrega dos expedientes sobre os servizos de guindastre e ORA, contratados á empresa que investiga a Xustiza dentro da operación Pokemon.
Nature publica un estudo que determina o ritmo ao que se degrada o ADN e calcula que a súa vida media é de só 521 anos. O traballo dos investigadores das universidades de Copenhague e Perth, que analizou ósos dos extintos moas, acaba coas esperanzas de clonar especies prehistóricas, se alguén estaba pensando niso.
Luis Tosar poralle a voz a George Washington no xogo Assassin’s Creed III
Retíranlle a custodia da súa filla "por non ensinarlle castelán". Unha xuíza de Cantabria separa un pai da súa nena "por non aprenderlle español até que acudiu ao colexio". Cóntao La Vanguardia.