Os propietarios do piso de Aurelia Rey negocian coa anciá unha solución. "Imos polo bo camiño", di César Santiso, voceiro de EU na Coruña e presente na negociación que manteñen os donos do inmoble con Stop Desahucios. "Agora empézase a negociar de igual a igual", di o colectivo.
Stop Desafiuzamentos anuncia que o asesor xurídico do Valedor do Pobo confirma que, no caso de que Aurelia Rey sexa desaloxada, os servizos sociais da Coruña acceden a proporcionarlle unha vivenda de alugueiro social. "O triunfo sería que non a botasen" pero, en todo caso, isto xa "é unha batalla gañada", din dende o colectivo. Toda a información, esta mañá en Praza.
O xornal catalán Vilaweb subliña que "a afección do Celta impide a fichaxe de Salva Ballesta como segundo adestrador".
Stop Desafiuzamentos informa de que, dende o xulgado que se ocupa do desafiuzamento de Aurelia Rey, comunican que os desaloxos nesta zona da Coruña se executan os luns e os mércores. Así e todo, as persoas que están mobilizadas para evitar o lanzamento permanecen na zona. O colectivo sinala que a Subdelegación do Goberno non ten prevista actuacións policiais para hoxe.
O Valedor do Pobo tentará mediar no caso de Aurelia Rey, a anciá de 85 anos ameazada por un desafiuzamento na Coruña. Vénllo de confirmar un membro do equipo xurídico do alto comisionado a Stop Desafiuzamentos, colectivo que continúa mobilizado no entorno da vivenda para evitar o posible desaloxo.
O sector das artes escénicas continúa as súas mobilizacións na Cidade da Cultura e reclaman ser recibidos polo conselleiro Jesús Vázquez. Esta noite foron desaloxados e a esta hora comparecen ante a prensa. Reclaman a dimisión de Vázquez e do secretario xeral de Cultura, Anxo Lorenzo, tras non obter explicacións sobre a paralización das programacións culturais e sobre os pagamentos de traballos xa realizados.
A inmobiliaria Royal Urbis presenta concurso de acreedores. É o segundo maior concurso do Estado, só superado polo de Martinsa-Fadesa. En El Diario.
Un cento de persoas concéntranse xa ás portas da vivenda de Aurelia Rey para impedir que se execute a expulsión da súa vivenda. Algúns dos integrantes de Stop Desahucios atópande no interior da casa e o portal está protexido por unha barra de ferro. Entre os concentrados está Francisco Jorquera e os voceiros municipais de BNG e EU.
A Audiencia Provincial da Coruña desestima o recurso de apelación da Fiscalía do TSXG sobre a demanda colectiva de afectados por participacións preferentes e subordinadas contra Novagalicia Banco. Carlos Varela usará agora un precedente europeo para esixir a anulación dos contratos por ser "unha práctica abusiva"
Os integrantes da Plataforma das Artes Escénicas manteñen as súas accións de protesta ante a negativa do Conselleiro de Cultura a manter con eles unha xuntanza. Ás dez da mañá teñen convocada unha rolda de prensa ás portas do edificio da AGADIC, na Cidade da Cultura