Centos de persoas saíron onte ás rúas contra a reforma da lei do aborto e contra o plan do Goberno de impoñer o permiso dos proxenitores para que as mozas de 16 e 17 anos poidan abortar. Só o 3% das interrupcións voluntarias prodúcense en menores, e o 88% faise coa presenza dos seus titores legais.
A Garda Civil ofrece papeis a inmigrantes a cambio de información, segundo unha gravación á que tivo acceso eldiario.es.
Lidia Senra leva ante a Comisión Europea a ausencia no Hospital de Lugo dos servizos de hemodinámica 24 horas, radioterapia e medicina nuclear, prometidos por Feijóo en 2011. A eurodeputada de AGEe insta a Comisión a que "se dirixa ás autoridades galegas" para que "garantan unha atención sanitaria inmediata e urxente" á poboación lucense.
A Audiencia Nacional invalida o convenio colectivo de Navantia, que recorrerá ao Supremo. A denuncia da CIG e da sección induria de CCOO acaba por botar abaixo o acordo.
Arquivada a demanda contra o alcalde de Vimianzo, Manuel Antelo (BNG), impulsada polos edís que asinaran unha moción de censura contra el.
FACUA lanza a campaña #SiTeCensuraTwitter para que os e as usuarias denuncien a suspensión incorrecta de contas. Twitter está suspendendo unilateralmente numerosos perfís por difundir imaxes ou informacións que a compañía considera ilícitas
Fenebús, patronal do transporte de pasaxeiros por estrada, denunciará a Blablacar ante os tribunais, buscando o peche desta popular plataforma para compartir coche, á que acusa de "competencia desleal"
De Guindos berroulle a Varoufakis durante a xuntanza do Eurogrupo, segundo unha información de Bloomberg Business que recolle Infolibre. A nova atribúe o nerviosismo do ministro español a que un posible éxito de Grecia nas negociacións poida beneficiar as expectativas electorais de Podemos.
Yanis Varoufakis analiza nun artigo o estado das negociacións entre Grecia e a UE. 'Non é momento de xogos en Europa', titulouno o ministro de finanzas grego. Recólleo traducido Sin Permiso
Stop Desafiuzamentos concéntrase en Ourense contra o desaloxo dunha muller con dous fillos polo impago do aluguer. Máis información, hoxe en Praza. Foto de @RadioOurense.
