Federico Trillo defende que "España non estivo na guerra de Iraq" e asegura que o goberno Aznar non mentiu a respecto da existencia armas de destrución masiva, como acredita o informe Chilcot. Asegurouno nunha entrevista en Onda Cero
![](https://praza.gal/media/cache/live_image/xornal/uploads/falase/foto/577e0ae085592-33.jpg)
Federico Trillo defende que "España non estivo na guerra de Iraq" e asegura que o goberno Aznar non mentiu a respecto da existencia armas de destrución masiva, como acredita o informe Chilcot. Asegurouno nunha entrevista en Onda Cero
O Dépor Feminino bota a andar coas súas catro primeiras fichaxes. Trátase de Teresa Abelleira, Rosalía Muiño, María Corral e Estefanía Pabst, procedentes do Lérez, do Victoria, do Friol e mais do Orzán. Unha ampla campaña apostou polo regreso do equipo durante o pasado ano.
Estes son os festivos de ámbito galego para 2017. A Xunta publica o decreto este xoves no DOG
Representantes da Comisión Europea recibirán esta tarde, a partir das catro, á plataforma de vítimas do Alvia para facilitarlles o acceso ao informe do accidente elaborado pola Axencia Europea Ferroviaria. Unha alegación de última hora do Goberno central atrasou a difusión deste informe ata despois das eleccións do pasado 26 de xuño.
A Asemblea francesa aproba por decreto a reforma laboral, despois de que ningún grupo da oposición presentase unha moción de censura contra o Goberno socialista. Valls recorreu unha vez máis ao artigo 49.3 da Constitución para evitar a votación, ante a falta de apoios ao texto.
O número de incidentes xenófobos ou racistas no Reino Unido aumentou un 57% dende a vitoria do Brexit. ONGs sinalan que o racismo latente no país cobrou forza e viuse lexitimado coa campaña realizada para o referendo e polo propio resultado
Sánchez rexeita a oferta de Iglesias para que intente a investidura. Pola contra, a presidenta de Baleares e o catalán Iceta apostan por explorar "outros camiños" para acadar un goberno alternativo ao PP.
Tarde de intensas treboadas en moitos puntos de Galicia. No centro e interior do país rexistráronse xa case 5.000 raios durante a xornada, tal e como recolle Meteogalicia.
Condenado a sete anos e medio de prisión o mozo acusado de colocar un artefacto explosivo na casa consistorial de Baralla. A defensa chegou a un acordo coa Fiscalía, que inicialmente reclamaba 27 anos de cadea.
O Culturgal 2016 xa ten máis da metade do seu espazo reservado. A feira das industrias culturais presentou este mércores en Pontevedra a súa imaxe e lema deste ano, ademais de adiantar algunhas das novidades do certame, que se celebra na cidade en decembro.