A Axencia Tributaria atopou catro lingotes de ouro na casa de Conde Roa durante a investigación da Pokémon. Cóntao El País.
![](https://praza.gal/media/cache/live_image/xornal/uploads/falase/foto/5314a0b833c14-1393861973_009841_1393862271_noticia_normal.jpg)
A Axencia Tributaria atopou catro lingotes de ouro na casa de Conde Roa durante a investigación da Pokémon. Cóntao El País.
Rafael Escudero denuncia en El Diario que "as políticas de contratación que se seguen hoxe en gran parte das universidades públicas son garantía de precarización e control ideolóxico do profesorado". Critica a "precariedade" crecente de PDI e PAS.
A sala de goberno do Tribunal Superior de Xustiza de Galicia emite un comunicado para "rexeitar" os "comentarios" do Concello de Santiago contra a maxistrada Ana López Suevos, de quen edís como a voceira local, María Pardo, "insinuaron" que "pode ter algún outro interese que o propio da súa función como xuíza" tras a imputación por prevaricación da metade do goberno local. O TSXG "reclama respecto para os xuíces" e lembra a súa "independencia".
Co gallo do Día da Muller o Museo do Pobo Galego organiza este xoves 6 de marzo unha conferencia de Áurea Sánchez, que falará de "Xornalismo pola Igualdade de Xénero". Presentará como caso de estudo o das Marías de Compostela, as irmás Maruxa e Coralia Fandiño Ricart, que analizou nun ensaio publicado hai dous anos
O Supremo declara "nulo de pleno dereito" o decreto co que o bipartito suspendeu as normas urbanísticas subsidiarias de Barreiros para frear o enorome desenvolvemento urbanístico do municipio. Faino tras admitir o recurso de casación da inmobiliaria madrileña Pasillo Verde. Na sentenza, o TS refírese ao Goberno galego como "Junta de Galicia".
As cerraduras de varios bancos e caixas da Coruña aparecen selados con silicona esta mañá. Ningún grupo se atribuíu a acción. En Bilbao, varias sucursais bancarias e comercios sufriron danos nas manifestacións contra a troika.
Compostela acollerá do 11 ao 22 de marzo o Festival Internacional Atlántica de Narración Oral, que levará por distintos espazos da cidade contacontos de Arxentina, Brasil, Portugal, Irlanda, Camerún, Bretaña ou Galicia.
Este xoves presentarase na Facultade de Informática da Coruña SociedadeNet.org, plataforma de profesionais de Internet en Galicia. Participarán Andrés Leonardo Martínez Ortiz, director do programa para desenvolvedores externos de Google España e Adrián Álvarez (HymediaSolutions), experto en BitCoin
A Audiencia Nacional xulga esta mañá o galego Adrián Mosquera. A Fiscalía pide 18 anos de cárcere para el ao acusalo de pertencer a Resistencia Galega.
Bilbao acolle o Global Forum Spain entre protestas e cun gran despregamento policial. A directora do FMI acompaña os principais responsables da economía española e mundial nun cónclave que presume "de recuperación e crecemento económico".