Fálase

Un ex deputado do PP di que "todo o mundo sabía" que había sobresoldos e pide a Rajoy que "non negue a evidencia". Milián Mestre asegura que a executiva expulsaba do partido a quen intentaba investigar os pagos.

Marcial Dorado relata a súa amizade con Feijóo en El País. "Sempre souben que chegarían lonxe, transmitía honradez", di o narcotraficante sobre o presidente da Xunta de Galicia.

Rajoy mantivo contacto directo con Bárcenas ata hai uns meses e pediulle que negase a contabilidade B. El Mundo publica unha serie de SMS entre o presidente do Goberno e o ex tesoureiro do PP.

Martiño Noriega: "Beiras só hai un, pero non vou facer escapismo". O número dous de Anova asegura que cre nos "liderados compartidos".

Os socialistas galegos cargan con dureza contra Almunia no Comité Federal do PSOE. Abel Caballero e Mar Barcón criticaron duramente ao comisario por decidir a devolución das axudas do 'tax lease'.

Case 33.000 afectados por preferentes de Novagalicia venderon as súas accións ao FGD. Recuperarán unha media do 71% dos cartos, segundo a entidade, que aclara que máis de 2.000 estafados serán accionistas do banco.

Os presidentes de Mercosur chaman a consultas aos seus embaixadores en España, Francia, Italia e Portugal tras o problema de Evo Morales na súa última viaxe a Europa.

O xuíz Ruz urxe a CNMV a que suspenda a Sousa como presidente de Pescanova por ocultar información.

A galega Vero Boquete lidera a vitoria da selección española ante Inglaterra (3-2) no Europeo de Suecia. A compostelá abriu o marcador e foi a mellor xogadora do encontro.

O xuíz bloquea novas contas de Bárcenas en Londres. Ruz dá por feito que os cartos proveñen de "comisións vencelladas a adxudicacións públicas".