Rajoy mantivo contacto directo con Bárcenas ata hai uns meses e pediulle que negase a contabilidade B. El Mundo publica unha serie de SMS entre o presidente do Goberno e o ex tesoureiro do PP.
Fálase
-
Martiño Noriega: "Beiras só hai un, pero non vou facer escapismo". O número dous de Anova asegura que cre nos "liderados compartidos".
Os socialistas galegos cargan con dureza contra Almunia no Comité Federal do PSOE. Abel Caballero e Mar Barcón criticaron duramente ao comisario por decidir a devolución das axudas do 'tax lease'.
Case 33.000 afectados por preferentes de Novagalicia venderon as súas accións ao FGD. Recuperarán unha media do 71% dos cartos, segundo a entidade, que aclara que máis de 2.000 estafados serán accionistas do banco.
Os presidentes de Mercosur chaman a consultas aos seus embaixadores en España, Francia, Italia e Portugal tras o problema de Evo Morales na súa última viaxe a Europa.
O xuíz Ruz urxe a CNMV a que suspenda a Sousa como presidente de Pescanova por ocultar información.
A galega Vero Boquete lidera a vitoria da selección española ante Inglaterra (3-2) no Europeo de Suecia. A compostelá abriu o marcador e foi a mellor xogadora do encontro.
O xuíz bloquea novas contas de Bárcenas en Londres. Ruz dá por feito que os cartos proveñen de "comisións vencelladas a adxudicacións públicas".
Un incendio avanza entre varias vivendas en Cartelle. O lume provocado por un raio o xoves reactivouse este venres. Outro incendio con varios focos preto da Coruña provoca as queixas de pilotos que pretenden aterrar en Alvedro.
A luz subirá outro 3,2% como consecuencia da reforma enerxética. Así o anunciou o ministro de Industria, José Manuel Soria, tras o Consello de ministros de hoxe. Dende 2012 a luz subiu un 8%.