Fálase

O Supremo tomba a pretensión do ex-deputado do PPdeG Javier Escribano de ser indemnizado con 150.000 euros por un xornalista que escribiu un artigo de opinión sobre a súa implicación nun caso de corrupción. O alto tribunal vén de ratificar a sentenza do xulgado e da Audiencia da Coruña e comparte que o xornalista Fernando González Macías non cometeu "ningunha intromisión ilexítima na honra" de Escribano, condenado a pagar as costas do procedemento. (Na imaxe, Escribano na súa foto oficial como membro do Parlamento).

O Goberno de España anuncia a súa intención de dar axudas de ata 10.000 euros á compra de vivenda para a mocidade dentro dun novo plan que aumentará 900 euros o limiar do alugueiro que pode ser subvencionado. En 2014 o Executivo de Rajoy recortou as deducións fiscais por arrendar unha vivenda.

O MarumaSat II, a sonda que tres institutos de Vila de Cruces, Oleiros e Ordes queren levar á estratosfera, adía ata o 26 de maio o seu lanzamento, que estaba previsto para este venres. Os fortes ventos que se agardan para mañá aconsellaron a decisión.

O primeiro reconto de avais nas primarias do PSOE outorga 62.582 a Susana Díaz e apenas 5.000 menos a Pedro Sánchez, que presentou 57.369 sinaturas. Patxi López achegou 12.000 apoios á súa candidatura.

O paro rexistrado descendeu en Galicia en 5.427 inscricións nas oficinas de emprego no mes de abril e queda en 204.629, 23.524 menos que hai un ano. No mesmo mes a afiliación á Seguridade Social aumentou en 5.335 persoas, 21.112 máis que en abril de 2016. Toda a información, hoxe en Praza.

#GranDebat Macron e Le Pen protagonizan un duro debate considerado decisivo para as eleccións presidenciais francesas do vindeiro domingo. A aspirante ultradereitista acusou o seu opoñente de "botarse ao chan fronte aos musulmáns" e non foi quen de aclarar propostas clave da súa campaña como unha eventual convivencia do euro e un franco recuperado.

Pedro Sánchez asegura non desbotar unha moción de censura se volve liderar o PSOE, "pero non a que propón Pablo Iglesias". Afírmao nunha entrevista con eldiario.es

A xeada danou o 90% dos viñedos de Monterrei, o 70% de Valdeorras, o 30% do Ribeiro e o 20% de Ribeira Sacra, segundo anunciou a Consellería do Medio Rural. O sector fala dun fenómeno "catastrófico" e "nunca visto". 

Podemos anuncia a chegada do seu 'Tramabús' a Galicia o venres e sábado con percorridos entre Vigo e Ourense, de Lugo á Coruña e de Cee a Santiago. O percorrido galego do autobús reivindicativo do partido é "fundamental porque as ramificacións da corrupción afectan de cheo ao PP de Feijóo", di a secretaria xeral da formación e vicevoceira de En Marea no Parlamento, Carmen Santos.

Montoro reprocha que tras unha "borracheira de gasto público" xa haxa "algúns que queren" volver "ir de copas". O ministro de Facenda censurou así as propostas dos grupos que defenden emendas á totalidade aos Orzamentos Xerais do Estado para 2017, a debate este mércores no Congreso. Está a contalo eldiario.es