A editorial Hugin e Munin fai público un documento, entregado a Valedor do Pobo, Secretario Xeral de Cultura, o Conselleiro de Cultura e ao Presidente da Xunta, no que expresa o seu malestar co actual sistema de adxuducación de axudas á tradución e fai unha "proposta para un cambio efectivo de modelo"
Xurxo Souto, premio Ondas pola mellor cobertura informativa polo programa Ponte nas ondas, que reivindica o patrimonio común galego-portugués.
Jean-Claude Juncker, presidente da Comisión Europea, acurralado polos acordos secretos entre Luxemburgo e grandes empresas para non pagar impostos. Cando Juncker presidía o Ducado, 340 multinacionais pactaron pagar tipos fiscais inferiores ao 1% para reducir o que aboaban noutros países da UE.
Feijóo asegura ser "máis de Podemos que os de Podemos". Preguntado polas boas expectativas electorais do partido que lidera Pablo Iglesias, o presidente da Xunta reivindica que "nin os meus pais nin os meus tíos eran profesores universitarios" nin "persoas de clase media ou burguesa", polo que, "se alguén quere plantexa a orixe social", el non pertence "entre aspas", á "casta".
O Supremo rexeita suspender o recurso do Goberno central contra o 9-N. O tribunal non anula a decisión do Executivo de Rajoy de recorrer a consulta ante o Constitucional.
A Consellería de Traballo esíxelle á desaparecida Fundación Preescolar na Casa a devolución dunha subvención de 422 euros concedida en 2010. A Fundación tivo que pechar en 2012 pola retirada repetina da axuda do Goberno galego. Tras acusar o bipartito de "afogar" o proxecto, o PP defendeu o seu peche porque "xa non funcionaba".
Os Orzamentos do Estado superan o trámite da comisión sen que o PP acepte ningunha das 4.000 emendas da oposición.
A Garda Civil lanza unha operación contra a "apoloxía do terrorismo" nas redes sociais. Agárdanse vinte arrestados e as primeiras detencións leváronse a cabo en Bizkaia, Araba e Barcelona.
O presidente de Estremadura cargou ao Senado 32 viaxes privados en business a Canarias. Monago converteuse nun das voces máis críticas contra a corrupción no seu partido.
Desconvocada a folga no Diario de Pontevedra tras retirarse o ERTE e adiantarse a fin da conxelación salarial. Os traballadores despedidos optaron por negociar a súa situación á marxe do comité de empresa