Compostela acollerá unha liquidación de 17.000 libros do Consorcio Editorial -participado por Baía Edicións, Sotelo Blanco Edicións e a extinta A Nosa Terra- entre o 1 e o 17 de febreiro. Será en Área Central e os libros poranse á venda en lotes de 2 libros por 5 euros e 5 por 10 euros.
Fálase
As autoridades sanitarias de Portugal valoran restrinxir a venda de alcol para previr suicidios. Cóntao o Diário Público
El Blog Salmón esíxelle a Mariano Rajoy que presente ante a comisión de Economía do Congreso os seus extractos bancarios e detalle dos seus ingresos A dende 1999, unha memoria aproximada da súa economía doméstica durante todo este tempo e unha declaración xudicial sobre a existencia ou non de contas no extranxeiro. E que non caso de non aclarar as súas contas persoais "dimita de inmediato"
O PP nega todo o publicado por El Pais pero sen aclarar nada sobre o asunto. Cospedal di que todo o seu partido está "indignado" e que o caso Bárcenas é unha operación "para prexudicar a Mariano Rajoy"
O Financial Times sitúa a Rajoy no cerne do "escándalo de corrupción" dos papeis de Bárcenas.
Jorquera pide a Feijóo que explique a orixe do ingreso irregular que figura como "Galicia O.C." nos documentos difundidos por El País sobre o caso Bárcenas.
Bárcenas nega nun comunicado que se pagasen sobresoldos opacos a dirixentes do PP. O ex tesoureiro defende a Mariano Rajoy, segundo conta Europa Press.
Jiménez Losantos di que se se demostran os pagos en b do PP a Libertad Digital doarán os cartos "aos comedores de Cáritas". Os documentos de Bárcenas que hoxe publica El Pais recollen dúas achegas por un total de 36.100 euros en decembro de 2004
Un informe da delegada do Goberno en Madrid cualifica o 15M como "un tipo de delincuencia". Denomina grupos antisistema aos movementos sociais que impiden a detención de inmigrantes ilegais en base a perfis raciais, segundo conta El Diario.
O PP nega ter contabilidade oculta e "estuda" querelarse contra o diario El País por publicar os "papeis de Bárcenas". El Diario reproduce o comunicado