Javier Gómez Noya, premio Princesa de Asturias dos Deportes. O triatleta galego e pentacampión do mundo, vén de ser galardoado polo seu "brillaten palmarés" e o seu "espírito de superación".
Fálase
-
O alcalde de Arteixo anima os e as veciñas a empregar o vial de acceso ao Porto Exterior, aberto este martes, para evitar o pagamento na AG-55. Critica o Ministerio de Fomento por negarse a negociar a supresión desta peaxe
José Luis Baltar Pumar e dúas testemuñas declaran este mércores pola denuncia ao seu fillo por ofrecer traballo a cambio de sexo
Co 99% do escrutinio en Perú continúa o empate técnico entre Kuczynski (50,16%) e Fujimori (49,83%). Kuczynski confía na súa vitoria, se se mantén a actual tendencia, pero di que hai que agardar ata o remate do proceso.
As vitorias de Hillary Clinton en Nova Jersey, Novo México e a vantaxe que presenta no escrutinio en California confirman a súa nominación como candidata demócrata, aínda non concedida polo seu rival. Bernie Sanders obtivo o triunfo en dous pequenos estados.
Por só tres votos de diferenza o consello político da CUP aproba rexeitar o proxecto de orzamentos presentado polo goberno catalán. A decisión foi xa criticada por CDC e ERC e ábrese a posibilidade dun adianto electoral.
Os Borbón utilizaron os mesmos testaferros, bufetes e sociedades pantalla que Bárcenas, Rato e a familia Pujol, segundo publica El Diario, que continúa coa investigación dos Papeis da Castellana
Francisco Jorquera, novo presidente da Fundación Galiza Sempre. Substitúe na presidencia a Guillerme Vázquez e terá a Ana Miranda como vicepresidenta.
En Marea presenta en Ribeira a súa candidatura para as xerais. "Non foi suficiente cos resultados extraordinarios pero temos segunda oportunidade para redobrar esforzos e demostrar que o cambio vai vir da man de En Marea", afirmou Alexandra Fernández durante o acto.
Ecologistas en Acción publicou este martes o seu informe anual sobre a calidade do aire en España, que indica que 2,5 millóns de persoas en Galicia (o 92% da poboación) respiran un aire prexudicial para a saúde segundo as recomendacións da OMS e un 76% do territorio está exposto a niveis de contaminación que danan a vexetación. As centrais de Meirama e As Pontes, principais responsables, xunto co tráfico das cidades e industrias como Cementos Cosmos.