6 de cada 10 mozos e mozas non teñen traballo. O paro xuvenil en España chega ao 57,6%, segundo datos de Eurostat. É a mesma cifra que rexistra Grecia e más que duplica a media europea (24%). As taxas máis baixas de desemprego entre os menores de 25 ano están en Alemaña (8,1%), Austria (9%) e Holanda (9,7%).
Fálase
O alcalde de Santiago asegura ter "absoluta tranquilidade" ante a súa imputación no caso Pokémon. Nunha entrevista na Cadena SER di non saber "se o tema polo que me citan é a escola de Salgueiriños", en referencia ás presuntas acusacións de tráfico de influencias.
O vicepresidente da Deputación de Ourense, Rosendo Fernández, retruca á imputación de José Luis Baltar asegurando que a secretaria de organización dos socialistas ourensáns, a deputada María Quintas, está afiliada á formación conservadora. Recólleo Faro de Vigo.
Rubalcaba celebra a volta á Executiva do PSOE da viguesa Carmela Silva, que se estivo a tratar dun cancro
A galega O Apóstolo, nominada aos premios Goya ao mellor filme de animación.
O paro en España supera o 26,6% e segue a ser o país da UE con maior desemprego, segundo datos de Eurostat. A taxa de paro na zona euro é do 11,8%.
A Real Academia Galega vén de estrear o seu perfil en Twitter
Os sindicatos de Novagalicia vólvense reunir hoxe coa entidade para preparar o ERE. Poderán consultar a documentación, pero só en inglés e sen acceder a unha copia. As centrais rexeitaron xa rotundamente o plan de reestruturación, que prevé máis de 2.000 despidos.
Reiníciase o xuízo do Prestige coa declaración do capitán das operacións de rescate. Tamén declararán na Coruña varios técnicos do 'Pesca I' e do 'Pesca II'.
Galaxia conmemorará neste 2013 a figura de Francisco Fernández del Riego, do que se celebra o centenario do seu nacemento. A editorial vén de abrir un blog sobre o intelectual galeguista que irá recollendo toda información que xeren os actos de homenaxe.