Pedro Sánchez pídelles aos baróns do seu partido "unidade e confianza" en torno á súa persoa de cara ás eleccións do 26 de xuño. O debate sobre o posto que debe ocupar Madina na lista de Madrid centra parte do Comité Federal do PSOE
Fálase
-
Fine Gael e Fianna Fáil, os dous grandes partidos tradicionais irlandeses, acadan un acordo que evitará a repetición de eleccións. Enda Kenny (Fine Gael), primeiro ministro dende 2011, mantén o poder. Nos comicios de febreiro as dúas forzas sumaron un 49,8% dos votos, o seu peor resultado histórico.
A coordinadora de En Marea convoca unha asemblea xeral o 15 de maio para lanzar o proxecto para as eleccións xerais e autonómicas, buscando que a candidatura "bote a andar dende a participación directa e cidadá dende abaixo".
Amoeiro homenaxeou este venres a Castor Sánchez Martínez, alcalde da localidade en 1936 asasinado polo franquismo un mes despois da sublevación militar.
O Parlamento europeo aproba unha proposta que pide dereitos laborais (baixas, cotizacións, vacacións, convenios laborais...) para as empregadas do fogar (o 88% son mulleres), un total de 67 millóns de persoas na UE
Podemos e IU recoñecen que os separan "puntos importantes" pero comprométense a seguir negociando. Pablo Echenique e Adolfo Barrena iniciaron este venres oficialmente as conversas, que esperan concluír a finais da semana que vén.
O Leyma Coruña derrota o Breogán en Lugo (75-76) e recupera o factor cancha na serie, que domina por 2 a 1. Este domingo xógase o cuarto partido
A asemblea de Ferrol en Común aproba por unanimidade manter o pacto de goberno co PSdeG-PSOE, mais demanda o cumprimento do programa político que as dúas forzas acordaron hai 11 meses
Xoaquín Fernández Leiceaga valora concorrer ás primarias do PSdeG, que veñen de ser convocadas. A súa candidatura, segundo puido confirmar Praza.gal, podería confirmarse esta fin de semana.
#derbiromano Ás 21:00 comeza en Lugo o terceiro encontro entre Breogán e Básquet Coruña polo ascenso á liga ACB. Pódese seguir ao vivo en Praza dende esta ligazón
