A votación en urna comezará ás 15 horas e rematará ás 16:30. Ás 16.45 coñecerase se os militantes de Máis Galiza apostan por que o partido permaneza no BNG ou abandone a organización.
Fálase
Xoán Bascuas comeza a defensa da proposta de saída do BNG no #congresomaisgaliza homenaxeando a Carlos Aymerich, o que é recibido con aplausos. Bascuas afirma que "no BNG non é posible o asemblearismo pola existencia do centralismo democrático" e critica a sumisión do BNG á CIG e da razón fronte á aritmética. Bascuas afirma que non hai espazo dentro do BNG para o proxecto político de +G, e que "a evolución da sociedade galega fainos pensar que existe espazo para unha nova forza política". Finalmente, incide no argumento de que a existencia dunha nova forza pode recuperar para o nacionalismo moitos votos que se perderon e chama "a vencer a resignación para facer historia".
Sandra González, alcaldesa de Tomiño, afirma no #congresomaisgaliza que "de Amio saiu un BNG que non nos gusta a ningún de nós" pero aposta pola permanencia de +G na organización: "O Bloque é tan noso como deles". Sandra González di que hai que "quedar no BNG para esixirlle a UPG novas normas de convivencia" e convida a que sexan os escisionistas os que respondan "Saír para que?" antes de dar resposta a "Quedar para que?". Conclúe: "Miremos a forza que temos xuntos e poñámola a funcionar dentro do BNG".
Os 500 asistentes ao Congreso de +Galiza continúan debatendo e votando emendas. Por exemplo, aprobouse que o candidato á Presidencia da Xunta de Galicia se escollerá nunhas primarias abertas á cidadanía
#12C_PSdeG Rubalcaba remata en galego: "agora toca traballar arreo"
#12C PSdeG Vázquez pedirá "entrevistarse" coas "outras formacións políticas da esquerda galega". "Necesitámonos", di
No Congreso de +Galiza, entre as opinións a favor de permanecer no BNG destacaron algunhas que afirmaron que "este non é o momento apropiado, as anteriores iniciativas alternativas á UPG tiveron moito mais tempo", "hoxe estamos fracasando. A sociedade non é capaz de comprendelo" ou "a xente non comprende os porqués das desputas e que non é responsable exacerbalas". Porén, foron maioría as intervencións que defendían a saída: "hai espazo para unha nova forza política en Galiza, a sociedade reclama novos referentes", "Isto é unha casa de lobos, levamos caendo 16 anos e a sociedade non está co BNG", "Nós marcaremos o camiño porque somos moitos os que cremos que a casa común xa deixou de ser casa común", "é irresponsabilidade non facer nada cando perdemos 200.000 votos", "Eu non me vou, a min botáronme xa hai bastantes anos", "Hai espazo para o noso proxecto político dentro do BNG? A resposta contundente é non", "A xente dentro quere cambio e a de fora tamén quere cambio e está agardando", "Síntome refén da casa común e cando alguén se sinte refén é evidente que ten que marchar" ou "Hoxe é un día de primavera. Transformemos o país".
Esta noite a Cidade da Cultura será unha das protagonistas do programa 'Salvados', que emitirá laSexta baixo o título Cuando éramos cultos
#12C_PSdeG Como adoita acontecer, a Executiva Nacional escóllese cunha maioría bastante máis ampla có secretario xeral. A nova dirección de Pachi Vázquez fica ratificada por 265 votos a favor, 117 abstencións e 5 votos nulos.
Na quenda de intervencións abertas de militantes no Congreso de +Galiza, moitas intervencións, nun ambiente educado e construtivo: Ramón Veras, Xosé Aller, Iago Castro, Carlos Maquieira, Brais Preto, Jéssica Fernández, Suso Veiga, Xulia Guntín, Denís Fernández, Nando Casal, María Alonso Salgueiro, Anxo Franco, Manuel Batán, Xosé Anxo Laxe, Xosé Bieito Coello, Xosé Carballido, Pilar Candocia, Abel López, Saúl Santim, Paulo Carlos López... Intervencións tanto a favor de quedar no BNG coma de marchar, aínda que estas últimas foron maioritarias.